ޢަލީ ރަމީޒްގެ އާދޭސްތަކުގައި ޓީވީއެމުން ކޮޅުފައިން ޖަހައިފި!
އިސްލާމްދީނަށް ޓަކައި މިޔުޒިކާއި ލަވަކިޔުން ދޫކޮށްލާފައިވާ ޢަލީ ރަމީޒްގެ ލަވަތައް ޓީވީތަކާއި ރޭޑިއޯތަކުން އަދި މީސް މީޑިއާގެ އެކި އެޕްލިކޭޝަން ތަކުން ވެސް ނުދެއްކުމަށް އޭނާ އަނެއްކާ ވެސް އެދި އާދޭސް ކޮށްފައިވަނީ އިއްޔެ އެވެ.
ނަމަވެސް މިއަދު، ދައުލަތުގެ މީޑިއާ (ޓީވީއެމް) އިން ގެެނެސްދޭ "މެންދުރުފަސް" ޕްރޮގްރާމުގައި ދައްކާފައިވަނީ ޢަލީ ރަމީޒު ކިޔާފައިވާ ލަވަތަކެވެ.
އިއްޔެގެ ވަގުތެެއްގައި ޢަލީ ރަމީޒް އޭނާގެ އެފްބީ ގައި ލިޔެފައިވަނީ، އޭނާ އަކީ މިހާރު މިޔުޒިކް ދެކެ އިންތިހާއަށް ނަފުރަތުކުރާ، ޙައްޤު ތެދުމަގުގައި ޙިދާޔަތްލިބި އެގޮތުގައި އޭނާގެ އަނބިދަރިން ވެސް ތަރުބިއްޔަތު ކުރަމުންދާ އަޅެއް ކަމުގައެވެ.
މީގެއިތުރުން އޭނާ ވިދާޅުވެފައި ވަނީ އޭނާ ކިޔާފައިވާ ލަވަތައް ޖަހާ، އަލީ ރަމީޒުގެ މިޔުޒިކީ ޙަޔާތުގެ ފޮޓޯތައް ވެސް މިހާރު ބޭނުން ކުރުމުން އޭނާއަށް އުނދަގޫވާ ކަމަށާއި އެއީ އޭނާއަށް ދެވޭ އަނިޔާއެއް ކަމަށެވެ.
އެހެންކަމުން އެފަދަ ކަންކަން ނުކުރުމަށް ޢަލީ ރަމީޒް ވަނީ އެންމެހާ ރައްޔިތުންނަށް ވަސިއްޔަތް ކުރައްވާފައެވެ.
ޓީވީއެމުން ޢަލީ ރަމީޒުގެ ލަވަތައް ގެނެސް ދިނުމާއި ގުޅޭގޮތުން އިންލައިން ނޫސް "ވަގުތު" އަށް މައުލޫމާތު ދެމުން އެސްޓޭޝަން ހިންގަމުން އަންނަ ޕަބްލިކް ސާވިސް މީޑިއާ (ޕީއެސްއެމް)ގެ މެނޭޖިން ޑިރެކްޓަރ އަލީ ޚާލިދް ވިދާޅުވީ ކޮންމެ ދުވަހަކުވެސް "މެންދުރުފަސް" ޕްރޮގްރާމްގައި ދައްކަނީ އެކި ލަވަކިއުންތެރިންގެ ލަވަ ކަމަށާއި، މިއަދުގެ މެންދުރުފަސް އަލީ ރަމީޒު އަށް ހާއްސަކޮށްފައި ވަނީ އޭނާ އަށް ގޮންޖެހުމަށް ނޫން ކަމަށެވެ.
އަޅުގަނޑަކީ ފެށުނީއްސުރެ އެމްޑީޕީ މީހެކެވެ. މި ސަރުކާރުގެ ސިޔާސީ މަޤާމެއްގައި ހުރި މީހަކީމެވެ. އަދި މި ސަރުކާރަށް ވަރަށް ސަޕޯޓު ކުރާމީހެކެވެ. ނަމަވެސް މިއަދު ޓީވީ މޯލްޑިވްސް އިން ތިކަންތައް ކުރިގޮތުން ވަރަށް ހިތުގައި ޖެހިއްޖެ. އަލީ ރަމީޒުގެ ވަސިއްޔަތަށް 24 ގަޑިއިރުވެސް ނުވަނީސް ތިގޮތަށް އޭނައަށް ޖެއްސުން ކުރުން ބަލައެއް ނުގަނެވޭނެ. އޭނައަކީވެސް ދިވެހި ރައްޔިތެއް. އޭނަގެ ވެސް މި ޤައުމުގަ ހިއްސާއެއް އޮންނާނެ. ހައްގުތަކެއް އޮންނާނެ. ތިގޮތަށް މީހުންނަށް ޖެއްސުން ކުރާކަމަށްވަންޏާ ރައްޔިތުންގެ އިތުބާރު އެއްކޮށް ބީވެގެން ހިނގައިދާނެ. ތިގޮތަށް ޖެއްސުން ކުރުން ހުއްޓާލުމަށް ހަރުކަށި އިބާރާތުން ދަންނަވަން.
މީހުނަށް ޖެއްސުން ނުކޮށް އިޙްތިރާމް ކުރާން ދަސްކުރޭ!
އައްޔައަށް ޖެއްސުން ކުރުން ހުއްޓާލާ. އެހެންނޫނީ ކަންކަން ދާނެގޮތް މާ ރަނގަޅެއް ނުވާނެ.
ޓީވީއެމް ތީ ދެން ފުކެއް ބޮޑުވަރު އިނގޭ. މީހުން ގާތްގަ އަޅައިގަތަސް ތިވަރު ކުރާކަށް ނުވާނެ.
އިހްތިރާމެއް ކުރާނީ މިގައުމުގާ މިހާރު އޮތީ ޔަހޫދީވެރިކަމެއް
ޓީ.ވީ.އެމް އިން އަސްލު ކޮޅުފައިން ޖެހީކީނޫން. އެލަވަތަކުގެ ޓީވީ ރައިޓްސް އަލީރަމީޒު ހުރީ ޓީ.ވީ.އެމް އަށް ވިއްކާފައި. އެހެންވީމާ އެމީހުން ބޭނުން އިރަކު ދެއްކޭނެ. އެއީ ހަގީގަތް. އަލީރަމީޒު އަށް ވެސް އިޙުތިރާމް ކުރަންވާނެ. އެލަވަތަށް ނުދައްކާނަމަ އަލީ ޖެހޭނީ ޓީވީ މޯލޮޑިވްސް އާއި ވާހަކަ ދައްކައިގެން ގޮތެއް ނިއްމަން. އެއީ ރީތިގޮތަކީ. ފޭސްބުކް ގައި ލިޔެގެން މިކަހަލަ ކަންތަށް ނުނިމޭނެ.