ފުލުހުންގެ ބެލުމުގެ ދަށުގައި ހުރި މިތަކެތީގެ ވެރިފަރާތް ހޯދަނީ!
ތަފާތު އެކި މައްސަލަ ތަކުގައި ފުލުހުންގެ ބެލުމުގެ ދަށުގައިވާ ބައެއް ތަކެތީގެ ވެރިފަރާތް ހޯދުމަށް ފުލުހުން މަސައްކަތް ފަށައިފިއެވެ.
މިތަކެއްޗަކީ އޮކްޓޯބަރު މަހުގެ 18 އަދި 24 މާލޭގެ އެކި ސަރަހައްދުތަކުން ތުހުމަތު ކުރެވިގެން ހިފަހައްޓައި، ސުވާލުކުރެވި، ބައެއް މީހުންގެ އަތުން ނެގިފައިވާ ތަކެއްޗެވެ. އަދި މި ތަކެތި ވަނީ އޭގެ ވެރި ފަރާތުގެ މައުލޫމާތު އެމީހުންނަށް ބުނެދެވިފައި ނުވުމުން ފުލުހުންގެ ބެލުމުގެ ދަށަށް ގެންގޮސްފައެވެ.
މިގޮތުން ފުލުހުންގެ ބެލުމުގެ ދަށުގައި ހުރި ތަކެތީގެ ތެރޭގައި، އޮކްޓޯބަރު މަހުގެ 18 ވަނަ ދުވަހު ހުއްޓުވި މީހެއްގެ އަތުން ފެނިފައިވާ ޓެމްޕާޑް ގްލާސްތަކަކާއި، ސްކްރީން ޕްރޮޓެކްޓަރު ތަކެއް ހިމެނެއެވެ.
ދެން ހިފެހެއްޓިފައި ވަނީ އޮކްޓޯބަރު މަހުގެ 24 ވަނަ ދުވަހު ހިފެހެއްޓުނު ކާރެއްގެ މީޑީއާ ސެޓެކެވެ. މި މީޑިއާ ސެޓު ވެސް ވަނީ ފުލުހުންގެ ބެލުމުގެ ދަށުގައެވެ. އަދި މީގެ ވެރިފަރާތެއް ވެސް ފުލުހުން އަންނަނީ ހޯދަމުންނެވެ.
ވީމާ މި ތަކެތީގެ ވެރިފަރާތުން، ފުލުހުންގެ ޖެނެރަލް އިންވެސްޓިގޭޝަން ޑިޕާޓްމަންޓުގެ ނަންބަރު 9631696 އަށް ގުޅުއްވައި، އިންސިޑެންޓް ނަންބަރު ވިދާޅުވެ، ކާކުކަން އެނގޭނެ ލިޔުމަކާއެކު ޝަހީދު ހުސައިން އާދަމް ބިލްޑިންގަށް ހާޒިރުވެ ތަކެއްޗާއި ހަވާލުވުމަށް ފުލުހުން ވަނީ އެދިފައެވެ.
Ads by STO
