މުންދު ، ޝަހީދަށް: ޓްރަމްޕް އުޅުއްވާގޮތް ބޮޑަށް ވައްތަރީ ޝަހީދުގެ ކުރީގެ ސާހިބު މީހާއާ
އެމެރިކާގެ ރައީސް ޑޮނަލްޑް ޓްރަމްޕް އަކީ ދިވެއްސެއް ކަމަށާއި އެއީ ރަތްލާޖެހި ޕީޕީއެމް މީހެއް ކަމަށް ވިދާޅުވެ ކުރީގެ ފޮރިން މިނިސްޓަރު އަދި އދ. ގެ ސްޕެޝަލް ރެޕަޓުއާއެއްގެ މަގާމުގައި މިހާރު ހުންނެވި ޑރ. އަހުމަދު ޝަހީދު ޖޯކު ޖެހުމުން، ޕީއެންސީ ގެ ނައިބު ރައީސް މުޙައްމަދު ޙުސެއިން ޝަރީފު (މުންދު) ރައްދު ދެއްވައިފިއެވެ.
ޑރ ޝަހީދު ރޭގައި ކުރެއްވި ޓްވީޓެއްގަައި ވިދާޅުވީ ވަރަށް އިތުބާރު ހުރި މަސްދަރަކުން ޚަބަރު ލިބޭ ގޮތުގައި އެމެރިކާގެ ރައީސް ޑޮނަލްޑް ޓްރަމްޕް އަކީ ދިވެއްސެއް ކަމަށާއި، ޕީޕީއެމްގެ ރަތްލާޖެހި މެންބަރެއް ކަމަަށެވެ.
"ބަލި ޤަބޫލު ކުރުމެއް ނެތް! ވޯޓުގެ ނަތީޖާއަކަށް ބެލުމެއް ނެތް! 'އަލުން ބައިބަހަންވީ! އަލުން ވޯޓު ލާންވީ!'" ޑރ. ޝަހީދު ވިދާޅުވިއެވެ.
ޑރ. ޝަހީދުގެ މިވާހަކަތަކަށް ރައްދު ދެއްވާ ފޭސްބުކް މެދުވެރިކޮށް މުންދު ވިދާޅުވީ ޓްރަމްޕްގެ އުޅުއްވުން ބޮޑަށް ވައްތަރީ ޑރ. ޝަހީދުގެ ކުރީގެ "ސާހިބު މީހާ މުޙައްމަދު ނަޝީދު" އާ ކަމަށެވެ.
"އަބުރާ ބެހުން، ދޮގު ހެދުން، ދެ އަނގައިން ވާހަކަ ދެއްކުން، މެދު ނުކެނޑި ޓްވީޓު ކުރެއްވުން، މައިންބަފައިން ކޮޅަށްޖެހި ވިޔަފާރި ފުނޑާލުން، މިހެން އައިސް ލައްކަ ގިނަ ގޮތްގޮތް ދެންނެވިދާނެ. އެހެން ކަމަށްވާނަމަ ރައީސް ޓްރަމްޕް ވާނީ އެމްޑީޕީ މެންބަރަކަށް ނޫންތޯ؟" މުންދު ވިދާޅުވެފައިވެއެވެ.
މުންދުގެ މިވާހަކަތަކަކަކީ ތެދު ވާހަކަތަކެއް ކަމަށް ބުނެ ގިނަ ބަޔަކު އެވާހަކަތަކަށް ތައުރީފު ކޮށްފައި ވެއެވެ.
މުންދު ބުންޏަސް ތެދެއްވާނީ ތެދަކަ
ޙީހީ. ޜަނގަޅު ވާހަކައެއް މުންދު ތި ވިދާޅުވީ