ހުޅުމާލޭގައި ހުންނަ ފިޔަވަތިން ފައްސިވި އެންމެން ރަނގަޅުވެ އާންމު ހާލަތަށް
ގިނަ ބަޔަކު ކޮވިޑު-19 އަށް ފައްސިވެފައިވާ ފިޔަވަތިން އެންމެން ރަނގަޅުވެ އާންމު ހާލަތަށް ގެނެސްފިއެވެ.
ހުޅުމާލޭގައި ހުންނަ ފިޔަވަތިން 17 ކުދިންނާއި 18 މުވައްޒަފުން ފައްސި ވެފައިވާއިރު، މިހުރިހާ އެންމެން ވެސް މިހާރު ވަނީ ކޮވިޑު-19 އިން ރަނގަޅު ވެފައެވެ. އަދި ފިޔަވަތީގެ މުވައްޒަފަކު އެންމެ ފުރަތަމަ ކޮވިޑު-19 އަށް ފައްސިވެފައިވަނީ، ސެޕްޓެމްބަރ 30 ވަނަ ދުވަހުއެވެ.
އެތަނުން ފައްސިވި ކުދިން މިހާރު ނައްސިކަމަށް ދެއްކުމާއެކު އެތަން މިހާރު މޮނީޓަރިންގެ ހާލަތުން ނަގާފައިވާ ކަމަށް ޖެންޑާމިނިސްޓްރީން ވަނީ ބުނެފަައެވެ. އަދި އެތަނުން ފައްސި ވެފައިވާ މީހުންނަށް ފަރުވާ ދެމުން ގެންގޮސްފައިވަނީ ވަކިންތަނެއްގައި ބައިތިއްބައިގެން ކަމަށާއި، އެ ކުދިންގެ ނަތީޖާ ނައްސިވުމުން އަނބުރާ މިހާރު ފިޔަވައްޗަށް ގެންގޮސްފައިވާ ކަމަށް ވެސް ޖެންޑާ މިނިސްޓްރީން ވަނީ ވިދާޅުވެފައެވެ.
އަދި މީގެ އިތުރުން ކުޑަކުދިންގެ ހިޔާއިން ފައްސިވެފައިވާ ހުރިހާ ކުދިން ވެސް މިހާރު މިބަލިން ވަނީ ރަނގަޅުވެފައެވެ.
