ރަށުން ވިއްޔާ މީދާ ކޭ އުނބެއް ވެސް އިންނަށް ހަމަ ވަރިހަމަތަ؟
ޒަމާނަށް ވަރަށް ބޮޑެތި ބަދަލުތަކެއް ވެސް އަތުވެއްޖެއެވެ. އާދަކާދައާއި ސަޤާފަތްތަކަށް ވެސް މިދަނީ ޒަމާނީ ކުލަވަރުތައް ޖެހި ޒަމާނާ އެއްގޮތަށް ބަދަލު ވަމުންނެވެ. އެގޮތުން ރަށުން ބޭރުން މީހުންނާ އިނުމަށް ނުރުހޭ ސަޤާފަތަށް ވެސް މިވަނީ ހެޔޮ ބަދަލެއް އައިސްފައެވެ. ނަމަވެސް އަދިވެސް މި ބޯދާ ވިސްނުން ގެންގުޅޭ ބައެއް މީހުން އުޅޭކަން ހިތާމައާއެކު ފާހަގަ ކުރަމެވެ.
ރާއްޖޭގެ މާޒީގެ ސަފުހާތައް ނިއުޅާލާއިރު ފެންނަށް އޮތް ހަޤީގަތަކީ ރަށުށް ބޭރުން މީހަކާ އިނުމަކީ އޭރު ކުރަން ހެޔޮ ނުވާވަރުގެ ކަމެއްގެ ގޮތުގައި ދެކެމުން ދިޔަ ދިއުމެވެ. އަދި ރަށުން ބޭރުން އިނދެގެން ރަށަށް ގެންނަ ހިސާބުން އެމީހަކާ މެދު ރަށުގެ މުޖުތަމަޢު ތެރެއިން ނޭއްގާނީ އެތައް އަމަލުތަކެއް ކުރިމަތި ވަމުންދެއެވެ. ކުރުގޮތަކަށް ބުނާނަމަ ރަށު މީހުންގެ ނަޒަރިއްޔާތުން އެއީ ވަރަށް ދަންފަންތިއެއްގެ މީހެކެވެ. އަދި އެފަދަ މީހުން އިޖުތިމާއީ އެކިއެކި ހަރަކާތްތަކުން ވެސް ބާކީ ކުރެވެމުން ދިޔައެވެ.
ރަށުން ބޭރުން އިންނަ މީހާގެ ދަރިންނަށް ވެސް އެ މަލާމާތާއި ފުރައްސާރަ ރައްދު ވަމުންދެއެވެ. ތަފާތު ބަސް ބަހުން ޖެހުމާއި ވަނަންތަކުން ގޮވުން ފަދަ ބޭއަދަބީ އަމަލުތައް ހިނގަމުންދެއެވެ. ރަށުން ބޭރުން އިނދެގެން ގެންނަ މީހާއޭ އެއްގޮތަށް އޭނާގެ ދަރިން ވެސް އެކި އެކި ހަރަކާތްތަކުން ބާކީ ކުރުމާ ތަފާތު ކުރުން އޭރު ވަރަށް ބޮޑަށް ގެންގުޅެވުމުން ދިޔައެވެ. އެ ފަދަ ކަންކަން ތަޖުރިބާ ކުރެވިފައިވާ ފަރާތްތައް މިހާރު ވެސް އުޅޭނެކަން ހަމަ ޔަޤީނެވެ.
ރަށުން ބޭރު މީހަކާ އިންނަން ނުރުހެނީ ކީއްވެ؟ މީ ބޮޑު ސުވާލެކެވެ. އެކި މީހުންގެ ޖަވާބުތައް ވެސް ތަފާތެވެ. ބައެއް މީހުން ދެކޭ ގޮތުގައި ރަށުން ބޭރުން މީހަކާ އިންނަ ނުރުހެނީ އެމީހުންގެ ދަރިން އެމީހުންގެ ލޯމަތިން ގެއްލެން އެމީހުން ބޭނުން ނުވާތީއެވެ. އަދި އަނެއް ބަޔަކު ދެކޭ ގޮތުގައި އެމީހުންގެ ދަރިން ރަށުން ބޭރު މީހުންނާ އިންނަށް ނުރުހެވޭ ސަބަބަކީ އެދަރިން އުޅޭ ހާލެއް އެމީހުންނަށް ނޭނގޭނެތީއެވެ.
ސަބަބުތައް އޭގެ ޒާތުގައި ގޯހެއް ނޫނެވެ. ނަމަވެސް ޒަމާނަށް އައި ބަދަލާއެކު މި ޒަމާނުގައި ދުނިޔޭގެ ކޮންމެ ތާކު ހުރެގެން ވަގުތުން ވަގުތަށް ފެނި ދެނެވި ވާހަކަ ދެއްކޭއިރު އެއީ އުޒުރެއް ކަމަށް ޤަބޫލެއް ނުކުރާނެއެވެ. ކަން އެހެން ވުން އެއީ ރަށުން ބޭރުން މީހުންނާ އިނުމާ މެދު ދެކޭ ގޮތް ބަދަލުވި ސަބަބެކޭ ބުނުން ދޮގަކަށް ނުވާނެއެވެ.
ރަށުން ބޭރު މީހަކާ އިނަސް ނުވަތަ ރަށު މީހަކާ އިނަސް އެ ދިރިއުޅުމެއް ބާއްޖަވެރި ވާނީ އެކަމަށް މަސައްކަތް ކޮށްގެންނެވެ. ރަށު މީހުންނާ އިނދެގެން ވަރަށް ހާލުގައި އުޅޭ މީހުން ވެސް އުޅެއެވެ. އަދި ރަށުން ބޭރު މީހުންނާ އިނދެގެން ވަރަށް އުފާވެރި ޙަޔާތެއް ވޭތުކުރަމުންދާ އެތައް ބަޔަކު މިހާރު ވެސް އުޅެއެވެ. ދިރިއުޅުމެއް ފަށަން މުހިންމީ ރަށު މީހެއް ނުވަތަ ރަށުން ބޭރު މީހެއްތޯ ބެލުމެއް ނޫނެވެ. އެ މީހަކީ ހަރުދަނާ، ތިބާ ގޮވައިގެން ލޯބި ދީގެން އެކީގައި ދިރިއުޅެވޭނީ ހެޔޮލަފާ މީހެއްތޯ ބެލުމެވެ.
ރަށު މީހާ ރަށުން ބޭރު މީހާގެ ތަފާތު ކުރުމުގެ ސިޔާސަތު ބަދަލުވީތީ އެކަމާ އުފާ ކުރަމެވެ. ރަށުން ވިޔަސް މީދާކޭ އުނބެއް އިންނާކަށް ކަމަކު ނުދާނެއެވެ.
މިހާރުވެސް ރަށުން ބޭރުމީހަކާއިނީމަ އުނދަގޫވާ ވަރައް ގިނަކަންތައްއެބަހުއްޓެވ ބީރައްޓެހ އަންހެންކުއްޖެއްނަމ އޭނަގެމައިންބަފައިންކައިރިއަށ އަބަދުއޮްްްްްްްންނަނިީ ދާންޖެހިފ މިގޮތަށްދެރަށައްދެމިދެމިހުންނަނީޖީބުހުސްވެ ގޮށްވަޅުބޮޑުވެފ މިނޫނަސބައިވަރ……….
ރީތި ލިޔުމެއް
އުޅޭނެ ރަށެއްގެ މައްސަލަގައި ވަރަށް ގިނަ ކައިވެނިތައް ރޫޅިފައި އެބަހުރި.
އަޅުގަޑު ގާތުވެސް މަންމަ ތިހެން ބުންޏެވެ. އެއީ ހަމަ ހެޔޮ ބަހެކެވެ…
އަޅުގަނޑު މިހާރުވެސް މިހުންނަނީ ހުމާ އެވެ. ދަރިން ކޮޅު އެކި ކުދިން އެކި ރަށައް ހިގައި ދާނެތީ އެވެ….ފޯނުން ހާލުބަލައި ފެނިދެނި ވެވިދާނެ އެވެ… އެކަމަކު ބައްޔެއްވާދުވަހު އެކަނި މަރުތެޅެން ޖެހިއްޖެނަމަ ލޯބިން ތިމާ ނުކައި ހުރެ އެކުދިންނަށް ކާންދީގެން ބޮޑުކުރުމުގެ ބޭނުމެއް ފަހެ ވޭބާ އެވެ….
އަޅުގަނޑު ރަށުންބޭރު މީހަކާ އިންނަން 13 އަހަރުވަންދެން ކުރިމަސައްކަތް ފެމިލީމީހުން ހުއްޓުވާލައިފި