ޓައިގާއާ ދިޝާ، ދިވާލީ ފާހަގަކުރުމަށް ރާއްޖެ
ބޮލީވުޑުގެ މަޝްހޫރު ޖޯޑެއް ކަމަށްވާ ޓައިގާ ޝްރޮފް އާއި ދިޝާ ޕަޓާނީ ޗުއްޓީ ހޭދަ ކުރުމަށް ރާއްޖެ އައިސްފިއެވެ.
މި ދެމީހުން ވެސް ރާއްޖެއައި ކަމަށް ބެލެވެނީ ބުދަ ދުވަހުއެވެ. ޓައިގާ އާއި ދިޝާ މުމްބާއީ އެއާޕޯޓުން ބުދަ ދުވަހު ފެނި އެކަން ބައެއް އިންޑިއާގެ ނޫސްތަކުގައި ރިޕޯޓުކޮށްފައިވެއެވެ.
އިންޑިއާގެ ނޫސްތަކުން ބުނާ ގޮތުގައި މި ދެ ލޯބިވެރިން ރާއްޖެ އައިސްފައި ވަނީ އިންޑިއާގައި ފާހަގަކުރާ ލައިޓް ފެސްޓިވަލްއެއް ކަމަށްވާ ދިވާލީ ފާހަގަ ކުރުމަށެވެ. އަދި މި ދެތަރިންނާއެކު އާއިލާ އާ ބައެއް ރައްޓެހިން ވެސް ބައިވެރިވާނެ ކަމަށް ބައެއް ރިޕޯޓުތައް ބުނެއެވެ،
ޓައިގާ ވަނީ ރާއްޖެ އާދެވުމާއެކު ހުސްގަޔާ ހުރި ފޮޓޯއެއް ހިއްސާކޮށް، އޭނާގެ ރީތި ހަށިގަނޑު ދައްކާލާފައެވެ. ޓައިގާ ބުނި ގޮތުގައި އެއީ ކުރިއަށް އޮތް ދުވަސްތަކުގައި އޭނާގެ ޑްރެސްކޯޑެވެ.
ރާއްޖެ އައުމަށް ފަހު ދިޝާ އަދި މާ ގިނަ ފޮޓޯތަކެއް ހިއްސާ ކޮށްފައި ނުވި ނަމަވެސް އޭނާ ވެސް ވަނީ އޭނާ ހުންނަ ކޮޓަރީގެ ރީތި ވިއު އިންސްޓަގްރާމް ސްޓޯރީގައި ހިއްސާކޮށްފައެވެ.
މީގެ ކުރިން ވެސް ދެ ފަހަރެއްގެ މަތިން ޓައިގާ އާއި ދިޝާ ރާއްޖޭގައި ޗުއްޓީ ހޭދަ ކޮށްފައިވެއެވެ.
މި ދެ ލޯބިވެރިންގެ އިތުރުން ވެސް ދާދި ފަހުން ކައިވެނިކުރި ކާޖަލް އަގަރްވާލްގެ ދެމަފިރިން ވެސް އަންނަނީ މާމުއިހަނދުގެ ދުވަސްތައް ރާއްޖޭގައި ހޭދަކުރަމުންނެވެ.
މިދެމީހުން އެއްބަހެއްނުވޭ އަދިވެސް އުޅެނީ ރައްޓެހިވެގެނޭވެސް. އެކަމަކު މިހާ ގާތްކޮށް އުޅޭއިރު ހީވަނީ މިހާރު ހުންނާނީ ވަރަށް ގިނަކަންކަން ކުރެވިފަހެން. ދޯ ދެން.