މިނިސްޓަރު ނަހުލާއާ ސުވާލު ކުރަން ބޭނުންވާ ފަރާތްތަކަށް މިއޮތީ ފުރުސަތެއް
މިނިސްޓަރ އޮފް ޓްރާންސްޕޯރޓް އެންޑް ސިވިލް އޭވިއޭޝަން އައިޝަތު ނަހުލާއާ ސުވާލު ކުރައްވަން ބޭނުންވާ ފަރާތްތަކަށް އެ ފުރުސަތު ހުޅުވާލައިފިއެވެ.
މިނިސްޓަރު ނަހުލާއާ ސުވާލު ކުރައްވަން ބޭނުންފުޅުވާ ފަރާތްތަކަށް އެ ފުރުސަތު ހުޅުވާލެވިފައި ވަނީ ހުކުރު ދުވަހު މެންދުރު 12ގެ ކުރިންނެވެ. އެގޮތުން DRA ޖެއްސެވުމަށްފަހު ހުސްތަންކޮޅެއް ދޫކޮށްލުމަށްފަހު ސުވާލު ޖެއްސެވުމަށްފަހު 300އަށް ފޮނުވާލެއްވުމަށް ދިވެހިރާއްޖޭގެ އަޑުން ވަނީ އެދިފައެވެ.
މި ސުވާލުތަކަށް މިނިސްޓަރު ނަހުލާ ޖަވާބު ދެއްވާނީ ދިވެހިރާއްޖޭގެ އަޑުގެ "އަހާށޭ ބުނާނަން" ޕްރޮގްރާމްގައެވެ. އެ ޕްރޮގްރާމް ދިވެހިރާއްޖޭގެ އަޑުން ފޮނުވާނީ ހޮނިހިރު ދުވަހުގެ ރޭ 21:00 ގައެވެ.
ޕްރޮގްރާމްގެ ރިޕީޓް ފޮނުވާނީ އަންނަ ހަފްތާގެ އާދިއްތަ ދުވަހުގެ 1:00 ގައާއި ބުދަ ދުވަހުގެ ރޭގަނޑު 20:00 ގައެވެ.
އަހާށޭ ބުނާނަންގެ މި ހަފްތާގެ ޕްރޮގްރާމްގައި މިނިސްޓަރ ނަހުލާ އާއި ސުވާލު ކުރެއްވުމުގެ ފުރުސަތު ހުޅުވާލާފައިވާއިރު، މީގެ ކުރިންވެސް އެ ޕްރޮގްރާމްގައި އެކިއެކި މިނިސްޓަރުންނާ ސުވާލު ކުރެއްވުމުގެ ފުރުސަތު ވަނީ ދީފައެވެ.
