ދަގަނޑޭއަަށް ވޯޓު ލުމުގައި ފަސޭހަ ކޮށްނުލާ، ނަރެއްހާތަން ދޫކޮށްލިއްޔާ ކެނބެއްހާތަން ދަމައިގަންނާނެ!

އޭޝިއާގެ ފުޓްބޯޅައިގެ މައި އިދާރާ އޭއެފްސީއިން ކުރިއަށް ގެންދާ ، އޭއެފްސީ ކަޕްގެ އެންމެ މޮޅު ގޯލް ހޮވާ މުބާރާތުގައި “އޭއެފްސީ ބްރެކެޓް ޗެލެންޖު”ގެ ވާދަވެރި ސެމީ ފައިނަލުގެ ވޯޓުލުން ހުޅުވާލައިފިއެވެ. ވޯޓުލުން ހުޅުވާލައިފައި ވަނީ އިއްޔެ މެންދުރު 1:00ގައެވެ.

Ads by Hajj Corporation

ދިވެހިރާއްޖޭގައި މިހާތަނަށް އުފެދުނު އެންމެ މޮޅު ފުޓުބޯޅަ ކުޅުންތެެރިޔާ އަލީ އަޝްފާގު ދަގަނޑޭ ސެމީ ފައިނަލުގައި ވެސް ވާދަކުރާނީ އޭނާ ކުއާޓާ ފައިނަލުގައި ވެސް ވާދަކުރި ގައުމު، ވިއެޓްނާމްގެ ކުޅުންތެރިއަކާއެވެ. އޭނާ އަކީ ވިއެޓްނާމްގެ ހަނޯއީ އެފްސީގެ ގުޔެން ގުއެންޑް ހައި އެވެ. މީގެ ކުރިން ވެސް މި ޗެލެންޖުގައި ދަގަނޑޭ ވާދަ ކޮށްފައިވަނީ އާބާދީ ބޮޑެތި ގައުމުތަކުގެ ކުޅުންތެރިންނާއެވެ. އެގޮތުން ކުވައިތުގެ ރޮޖަރީނިއޯ އަދި ބަންގްލަދޭޝްގެ އަބްރާނީއާ ވާދަކޮށް ވެސް ދަގަނޑޭ ވަނީ ކާމިޔާބު ހޯދާފައެވެ

ވޯޓުލުން ހުޅުވާލައިގެން މާ ގިނައިރުތަކެއް ނުވެ ފެނިގެން ދިޔައީ ދަގަނޑޭ ވަރަށް ކުރީގައި އޮތް ތަނެވެ. އެގޮތުން ނުވަދިހަ އިންސައްތަ ވޯޓު ދަގަނޑޭއަށް ލިބިގެން ގޮސްފައިވާ ތަން ވެސް ފެނިގެން ދިޔައެވެ. ނަމަވެސް މިހާރު ދަގަނޑޭއަށް ލިބިފައި އޮތް ބޮޑު ލީޑު މިވަނީ ގެއްލިފައެވެ.

އެހާބޮޑު ލީޑެއްގައި ދަގަނޑޭ އޮތުމުން ދަގަނޑޭ މޮޅުވީ ކަމަށް ވެސް ބައެއް ފަރާތްތަކުން ގަބޫލުކުރިއެވެ. ދެން ދަގަނޑޭގެ މައްޗަށް ވިއެޓްނާމްގެ ކުޅުންތެރިޔާއަށް ކުރި ނުހޯދޭނެ ކަމަށް ގަބޫލު ކުރިއެވެ. ނަމަވެސް ވިއެޓްނާމަކީ އަޅުގަނޑުމެންގެ ދިވެހިރާއްޖެއަށްވުރެ އެތައް ގުނައެއް އާބާދީ ބޮޑު ގައުމެއްކަން އަޅުގަނޑުމެން ގަބޫލު ކުރަން ޖެހެއެވެ. އެހެންކަމުން ވޯޓު ދިނުމުގައި އަޅުގަނޑުމެން ފަސޭހަ ކޮށްލައިފި ނަމަ ދަގަނޑޭއަށް މި ޗެލެންޖު ކާމިޔާބު ނުވެ ދިއުމަކީ އެކަށީގެންވާ ކަމެކެވެ.

https://tools.pinpoll.com/embed/109073

އެގޮތަކީ އެއްވެސް ދިވެއްސަކު ބޭނުންވާނެ ގޮތެއް ނޫނެވެ. ކިރިޔާ ވެސް ދޫކޮށްލާ ދަގަނޑޭއަށް ވޯޓުލުން ދިވެހީން ހުއްޓާލައިިފި ނަމަ ވިއެޓްނާމްގެ ކުޅުންތެރިޔާ އެ ލީޑު ނެގުމަކީ އެކަށީގެންވާ ކަމެކެވެ. އެހެން ކަމުން މާ ބޮޑަށް ފަސޭހަ ކޮށްނުލައްވާށެވެ. ދަގަނޑޭއަށް ވޯޓުލުން ހުއްޓާ ނުލައްވާށެވެ.

ކުއާޓާ ފައިނަލު ވެސް ދަގަނޑޭ ކާމިޔާބު ކުރީ ދިވެހީން އަތާއި އަތް ގުޅާލައިގެން ކުރި ބުރަ މަސައްކަތުންނެވެ. ސެމީ ފައިނަލުގައި ވެސް އާބާދީ ބޮޑު ވިއެޓްނާމްގެ މައްޗަށް ކުރި ހޯދައި ދަގަނޑޭ މި ޗެލެންޖުގެ ފައިނަލަށް ގެންދިއުމަށް އަވަހަށް ވޯޓު ލާން ފަށާށެވެ. އެކުވެރިންނާއި ދަންނަހާ މީހަކަށް ވެސް ދަގަނޑޭއަށް ވޯޓު ދިނުމަށް ހަނދާން ކޮށްދޭށެވެ.