ހއ އަތޮޅުން ފެށިގެން އައްޑު ސިިޓީއަށް ބޯކޮށް ވާރޭވެހޭނެ ކަމަށް ލަފާކޮށް ހުދު ސަމާލު ނެރެފި
ހއ އަތޮޅުން ފެށިގެން އައްޑު ސިޓީއަށް ބޯކޮށް ވާރޭވެހޭނެކަމަށް ލަފާކޮށް މޫސުމާ ބެހޭ ގައުމީ އިދާރާއިން ހުދު ސަމާލު ނެރެފި އެވެ.
މެޓް އޮފީހުން ބުނީ އަންގާރަ ދުވަހުގެ ހެނދުނު 9:15 އިން ފެށިގެން މެންދުރު13:00 ޖެހުމާ ހަމައަށް އެސަރަހައްދަށް ބޯކޮށް ވާރޭވެހުމާއެކު ގުގުރާނެކަމަށް ލަފާ ކުރެވޭ ކަމަށެވެ.
މި ވަގުތުގައި ބޯކޮށް ވާރޭ ވެހުމާއެކު ގުގުރުން އެކަށީގެންވެއެވެ. އަދި ވިލާގަނޑުގައި ގަޑިޔަކު ގާތްގަޑަކަށް 40 މޭލަށް ވައިގަދަވާނެކަމަށް ލަފާ ކުރެވޭ ކަމަށް ވެސް މެޓް އޮފީހުން ބުނެއެވެ.
ރާއްޖޭގެ ބޮޑު ބަޔަކަށް ވިއްސާރަ ކުރާނެ ކަމަށް ލަފާކޮށް ހއ.އަތޮޅުން ފެށިގެން ދ.އަތޮޅުގެ ރަށްރަށާ ހަމައަށް އިއްޔެ ވެސް ވަނީ ހުދު ސަމާލު ނެރެފައެވެ. މޫސުމާބެހޭ އިދާރާއިން ބުނެފައި ވަނީ މޫސުން ކުރިއަށް އޮތްގޮތަށް ބަލާފައި ހުދު ސަމާލުގެ މުއްދަތު އިތުރު ކުރުމަކީ ވެސް އެކަށީގެންވާ ކަމެއް ކަމަށެވެ.
ރާއްޖޭގެ ކަނޑުތައް އާންމު ގޮތެއްގައި ގަދަ ނުވި ނަމަވެސް، ދިޔަވަރު ބޮޑުވާ ގަޑިތަކުގަ އާއި ވިލާގަނޑުގައި ކަނޑުތައް ގަދަ ވާނެ ކަމަށް ލަފާ ކުރެވޭތީ މެޓު އޮފީހުން ވަނީ މޫސުމަށް ހާއްސަ ސަލާމު ކަމެއް ދިނުމަށް އިލްތިމާސް ކޮށްފައެވެ.
Ads by STO
