ދޯންޏެއް އަޑިއަށްގޮސް ފަޅުވެރިން ކަނޑުވެފައި ވަނިކޮށް ސަލާމަތް ކޮށްފި

ރ.މީދޫއަށް ދަތުރު ކުރަމުން ދިޔަ ދޯންޏެއް އެރަށު ފިލާދޫ ކައިރިން އަޑިއަށް ހިނގައްޖެއެވެ.

Ads by Sosun Fihaara

އަޑިއަށް ގޮސްފައިވަނީ މުދާ އަރުވައިގެން ރ.މީދޫއަށް ދަތުރު ކުރި ދޯންޏެއް ކަމަށް ފުލުހުން ބުނެއެވެ. އަދި ދޯނީގެ ބޮޑުބައެއް އަޑިއަަަށް ގޮސް ފަޅުވެރިން ކަނޑުވެފައިވަނިކޮށް ފުލުހުން ވަނީ އެ މީހުން ސަލާމަތް ކޮށްފައި ކަމަށް ވެސް މައުލޫމާތު ދެއެވެ.

މި ހާދިސާ ހިނގާފައިވަނީ މިއަދު ގާތްގަނޑަކަށް 13:03 އެހާއިރު ކަމަށް ފުލުހުން މައުލޫމާތު ދެއެވެ. އަދި ފުލުހުންގެ މަސައްކަތުން މިހާރު 3 މީހުން ވެސް ސަލާމަތް ކުރެވިފައިވާ ކަމަށާއި 3 މީހުންގެ ހާލު ވެސް ރަނގަޅު ކަމަށް މައުލޫމާތު ލިބެއެވެ.