ސަފާރީ ރޭޕް ކޭސް: މެންބަރު ޖީހާންގެ ފިރިކަލުންނަށް ދައުވާ ކޮށްފި
ހުޅުމާލޭ ފަޅުތެރޭގައި އަޅާފައި އޮތް ސަފާރީއެއްގައި ބިދޭސީ އަންހެނަކަށް ޖިންސީ ގޯނާކުރި ކަމަށް ތުހުމަތުކުރާ މައްސަލައިގައި ހިންނަވަރު ދާއިރާގެ މެންބަރު ޖީހާން މަޙްމޫދުގެ ފިރިކަލުންގެ މައްޗަށް ދައުވާ ކޮށްފިއެވެ.
ޕްރޮސެކިޔުޓަރ ޖެނެރަލް އޮފީހުގެ މީޑިއާ ކޯޑިނޭޓަރ އަހުމަދު ޝަފީޢު ވިދާޅުވިކަމަށް ބައެއް ނޫސްތަކުން ބުނެފައިވަނީ، އެ މައްސަލައިގެ ދައުވާ ހުޅުމާލެ ކޯޓަށް ހުށަހަޅާފައިވާ ކަމަށެވެ.
އޮންލައިން ނޫސް "ހަތާވީސް" އިން ބުނެފައިވާ ގޮތުގައި މިމައްސަލައިގައި ދައުވާ ކޮށްފައިވަނީ ޖީހާންގެ ފިރިމީހާއަށް ކަމަށް އެނޫޙަށް ވަނީ އެނގިފައެވެ.
އެނގިފައިވާ ގޮތުގައި މި މައްސަލާގައި ތުހުމަތު ކުރެވޭ ތިން މީހެއްގެ މައްޗަށް ދައުވާ ކުރަން ފުލުހުން ވަނީ މިދިޔަ މަހުގެ 15ވަނަ ދުވަހު ޕީޖީ އަށް ފޮނުވައިފައެވެ.
ސަފާރީއެއްގައި ކެންޔާ އަންހެނަކަށް ޖިންސީ ގޯނާ ކުރިކަމުގެ ތުހުމަތުވާ މި މައްސަލަ އާއި ގުޅިގެން މީގެކުރިން ރައްޔިތުން މަޖިލީހުގެ ހިއުމަން ރައިޓްސް އެންޑް ޖެންޑާ ކޮމެޓީގައި ވާހަކަދައްކަވަމުން ޑެޕިއުޓީ ކޮމިޝަނަރު އޮފް ޕޮލިސް އަބްދުލް މަންނާނު ޔޫސުފް ވިދާޅުވީ އެމައްސަލައިގައި ފުލުހުން ހައްޔަރުކުރީ ދެ މީހަކު ކަމަށާއި އެމީހުންގެ ކުޑަކަމުދާ ތަކެތި ނުނެގީ އެމީހުން ތިބީ މަސްތުވެގެން ކަމަށް ފުލުހުންނަށް ނުބެލެވޭތީ ކަމަށެވެ.
ވަރަށްފުރިހަމަ. ދައުވާކުރީރައްޔިތުންގެ ނުރުހުމާހެދި ހަމަ ނަމަކައް. ތި ސާބިތުވިޔަ ނުދޭނެކަމީ ޝައްކެއް އޮތްކަމެއްނޫން.
ދެރަނިކަމެއްޗެއް ކުރިކަމެއް ނަމަ ދުވަހުން ދުވަހައް ހައްޔަރު ކުރާނެ ޖަލައްވެސް ލުމައްފަހު މައްސަލަ ބަލާނީ މިގައުގަ އަދުލު އިންސާފު ގާއިމު ކުރަނީ ސަދޫމުގައި ހަމަ ކުރިގޮތައް