އަނބިމީހާއާއި ދެ ދަރިންނާއެކު ޔަޝް ރާއްޖޭގައި، ގިނަ ދިވެހީންނަށް އޭނައަކީ ކާކުކަމެއް ނޭނގޭ!
ސައުތު އިންޑިއާގެ ފިލްމީތަރި ނަވީން ކުމާރު ގައުޑާ ނުވަތަ ޔަޝް، ރާއްޖޭގައި ޗުއްޓީ ހޭދަ ކުރަމުން އެބަދެއެވެ.
ކައްނަޑާ ސިނަމާގައި މަޝްހޫރު ޔަޝް އޭނާގެ އަނބިމީހާ ރާދިކާ އަދި ދެ ދަރިންނާއެކު ރާއްޖެ އައީ ހޯމަ ދުވަހުގެ ހެނދުނުގެ ވަގުތެއްގައެވެ. އެމީހުން ޗުއްޓީ ހޭދަކުރަމުންދަނީ ކޮންރާޑް މޯލްޑިވްސް ރަންގަލި އައިލެންޑް ގައި ކަމަށް މައުލޫމާތު ލިބެއެވެ.
ރާއްޖޭގެ ރީތިކަމުގައި ޔަޝް އަށް ވެސް ޖެހެވިއްޖެކަން ހާމަ ކުރަމުން ޔަޝް ވަނީ ރާއްޖެއަކީ "ޓްރޮޕިކަލް ޕެރެޑައިސް" އެއްގެ ގޮތުގައި ސިފަ ކޮށްފައެވެ. ކޮންރާޑް އަށް އާއިލާއާއެކު ފައިބަމުން ނަގާފައިވާ ފޮޓޯއަކާއެކު އިންސްޓަގްރާމް ގައި ޔަޝް ބުނެފައިވަނީ އޭނާއަށް ރާއްޖެއަކީ ޗުއްޓީ ހޭދަ ކޮށްލަން އެންމެ ހިތްގައިމު މަންޒިލު ކަމަށެވެ. އޭނާ ވަނީ ރާއްޖޭގައި ނަގާފައިވާ އެހެން ބައެއް ފޮޓޯތައް ވެސް ފޭނުންނާއި ހިއްސާ ކޮށްފައެވެ.
ޔަޝް ރާއްޖެ އައިސްފައި މިވަނީ "ކޫޖީއެފް ޗެޕްޓަރ 2" ގެ މަސައްކަތް ނިންމާލުމަށްފަހު، އޭގެ ޓީޒަރ ވެސް ރިލީޒް ކުރި ފަހުންނެވެ. ކައްނަޑާ ބަހުން ކުޅެފައިވާ އެފިލްމުގެ ޓީޒަރ އަށް އެތައް ބައެއްގެ ތަރުހީބު ލިބިފައިވާއިރު، އެފިލްމުގައި ޔަޝް އާއެކު ދެން ހަރަކާތްތެރި ވަނީ ބޮލީވުޑްގައި 90 ގެ އަހަރުތަކުގައި ބޮޑު މަގުބޫލު ކަމެއް ހޯދި ސަންޖޭ ދަތު އާއި ރަވީނާ ޓަންޑަނެވެ.
ދިވެހި ސްޓާރުން ނޭންގުނަސް ދިވެހިންނަށް ސ.އިންޑިންްސް އެނގޭނެ.. ކޭޖީއެފް އެއީ ބެސްޓް އޮފް އޯލް. މިކްސްޓަރ އޮފް ޕްރިޒަންބްރޭކް، ގޭމް އޮފް ތްރޯންސް އެންޑް މިޝަން އިމްޕޮސިބަލް.
އާން ކަލޭމެނައް އެކަނި އެނގޭނީ މަޝްހޫރު މީހަކު ފެނުނީމަ
ޡީހުރިހާ ދިވެހިންނަށް މިހާރު އިގޭމީހެއް ދިވެހި ފިލްމުސްޓާރުން މަށަކަށްނޭންގޭ ޔަސް ގެ ނުބަލާފިލްމެއް ނޯންނާނެ