ޒުވާން އަންހެނަކު ގެއްލިފައެއް ނުވޭ، އާއިލާއާ ޖެހުނު މައްސަލައެއްގައި ވަނީ ގެއިން ފިލާފައި: ފުލުހުން

ކ.ތުލުސްދޫއިން ގެއްލިފައިވާ ކަމަށް ބެލެވިގެން ހޯދަމުން ދިޔަ އުމުރުން 21 އަހަރުގެ ޒުވާނާ ގެއްލިފައި ނުވާ ކަމަށާއި އޭނާ ގެއިން ފިލާފައިވާ ކަމަށް ފުލުހުން ބުނެފިއެވެ.

Ads by STELCO

ރޭ ބަައެއް މީޑިއާ ތަކުގައި އެ ކުއްޖާގެ މަންމައާ ހަވާލާދީ ބުނެފައި ވަނީ އެކުއްޖާގެ ލޯބިވެރިޔާ ވަނީ އެކުއްޖާ ބްލެކްމެއިލް ކޮށްފައި ކަމަށާއި އަދި އަންހެން ކުއްޖާ ގެއްލިފައިވާ ކަމަށެވެ.

އޭނާގެ މަންމަ އެ މައްސަލަ މީގެ ކުރިން ވެސް ފުލުހަށް ހުށަހަޅާފައިވާ ކަމަށާއި ނަމަވެސް އަންހެން މީހާއަކީ 18 އަހަރުވެފައި ހުރި މީހެއް ކަމުން އެ މައްސަލަ ނުބެލޭނެ ކަމަށް ފުލުހުން ބުނެފައިވާ ކަމަށް އޭނާގެ މަންމަ “ވަން އޮންލައިން” އަަށް ވަނީ މައުލޫމާތު ދީފައެވެ.

އެހެން ނަމަވެސް ޒުވާނާ ގެއްލިފައި ނުވާ ކަމަށާއި އޭނާ ގެއިން ފިލާފައިވާ ކަމަށް ފުލުހުން މިއަދު ވަނީ ބުނެފައެވެ.