އަންހެނުންތަކަކާ ފޮށިގެން ހައްޔަރު ކުރި ބިދޭސީ މީހާއަކީ، ބަރަހަނާ ހާލުގައި މިސްކިތަށް ވެސް ވަން މީހާ
މިއަދު ޑޮލަރު އޭޓީއެމް ކައިރިން އަންހެނުންތަކަކާ ފޮށިގެން ހައްޔަރު ކުރެވުނު ބިދޭސީ މީހާއަކީ މިދިޔަ ބުރާސްފަތި ދުވަހު އިސްލާމީ މަރުކަޒު ތެރެއިން ބަރަހަނާ ހާލުގައި ނެރުނު މީހާ ކަމަށް އޮންލައިން ނޫހެއް ކަމަށްވާ "ސަންގު" އިން ރިޕޯޓުކޮށްފިއެވެ.
ބަރަހަނާ ވެގެން މިދިޔަ ބުރާސްފަތި ދުވަހު އިސްލާމީ މަރުކަޒަށް އެރި މީހާއަކީ ނަފްސާނީ މައްސަލަތަކެއް ހުންނަ މީހެއް ކަމަށް ދިވެހި ފުލުހުން ބުނެފައިވާއިރު، ފުލުހުން ބުނެފައިވަނީ އެ މައްސަލައިގައި ހައްޔަރު ކުރެވުނު މީހާ މިހާރު ދޫކޮށްލާފައިވާ ކަމަށެވެ. އަދި އޭނާ މިހާރު ބަންގްލަދޭޝްއަށް ފޮނުވުމުގެ މަސައްކަތް ކުރަމުންދާ ކަމަށް ވެސް ފުލުހުން ބުނެފައިވެއެވެ.
މިދިޔަ ބުރާސްފަތި ދުވަހުގެ ރޭ އިސްލާމީ މަރުކަޒަށް ބިދޭސީއަކު ވަދެ ބަރަހަނާ ވެފައިވަނީ އެރޭ އިޝާ ނަމާދަށް ފަހު އެވެ. މިސްކިތް ތެރޭގައި އަޑު ގަދަ ކުރުމާ ގުޅިގެން މީހުން ސުވާލު ކުރުމުން އެމީހާ އަޑުގަދަ ކުރީ ރަށަށް ދާން ބޭނުންވާ ކަމަށް ބުނަމުން ދިޔައެވެ. އަދި މިސްކިތުން ފައިބަން އެންގުމުން އޭނާ، މިސްކިތުން ފޭބި ކަމަށް ވެސް މައުލޫމާތު ލިބެއެވެ. ނަމަވެސް އޭގެ އިރުކޮޅެއް ފަހުން އޭނާ ވަނީ ބަރަހަނާވެ އަލުން މިސްކިތް ތެރެއަށް ވަދެފައެވެ. އެމީހާ ހުއްޓުވީ ފުލުހުންނާއި ސިފައިންނާއި އާންމުންގެ ބައެއް މީހުން ވެގެންނެވެ.
މާދަމާ އަނެއްކާ ކޮންމެސް އެހެން ކަމެއްގަވެސް ހަމަ ތިމީހާ ހައްޔަރު ކުރާނެ. ނަފްސާނީ ވެގެން އުޅެނީ އެމީހާބާ ނޫނީ އަމަން ބަލަހައްޓަން ތިބި މީހުންބާ!
ރަނގަޅު އުކުޅެއް!!! ސަރުކާރުން ފޮނުވަދޭނެ ގައުމަށް…