"ޑުޕަ ފިފްޓީން" މަޅި ފުޓްސަލް ޗެލެންޖް: ލުއްޗާޒް ކޮޅަށް ގިނަ ގޯލްތަކެއް ޖަހާ ނޮއެނާއަށް މޮޅެއް
"ޑުޕަ ފިފްޓީން" މަޅި ފުޓްސަލް ޗެލެންޖުގައި މިއަދު ލުއުްޗާޒް އާއި ނޮއެނާ ބައްދަލު ކުރި މެޗު 8-2ގެ ފަރަގު ބޮޑު ނަތީޖާއަކުން ނޮއެނާ ކާމިޔާބު ކޮށްފިއެވެ. މިއީ މުބާރާތުގައި ނޮއެނާގެ ފުރަތަމަ މޮޅެވެ.
މުބާރާތުގައި މި ދެޓީމު ވެސް ވަނީ މީގެ ކުރިން މެޗެއް ކުޅެ އެމެޗުން ބަލިވެފައެވެ. އެގޮތުން މަސްއޮޑި އޮރިޖިނަލްސް އިންވަނީ ލުއްޗާޒްގެ މައްޗަށް 3-2ގެ ނަތީޖާއަކުން ކުރި ހޯދައިފައެވެ. އަދި ނޮއެނާގެ ފުރަތަމަ މެޗުގައި ސީކޭ އަތުން އެޓީމު ބަލިވީ 2-1ގެ ނަތީޖާއަކުންނެވެ.
މިއަދުގެ މެޗުގައި ނޮއެނާގެ ޝައިފާން އަހްމަދު މަނިކްގެ ފަރާތުން ފެނިގެން ދިޔައީ މޮޅު ކުޅުމެކެވެ، އެގޮތުން އޭނާ ވަނީ މެޗުގައި ހެޓްރިކް ހަދައި އަދި އިތުރު ދެގޯލް ވެސް ޖަހާފައެެވެ. ޝައިފާންގެ ފަސް ގޯލްގެ އިތުރުން ދެން އެޓީމަށް ގޯލްތައް ކާމިޔާބު ކޮށްދިނީ މުހައްމަދު ރިފާއު އާއި ހުސައިން އަފްޒަލްއެވެ. މުހައްމަދު ރިފާއު ވަނީ ދެގޯލް ކާމިޔާބު ކޮށްފައެވެ.
މެޗުގައި ލުއްޗާޒް އިން ޖެހި ދެގޯލަކީ ހަސަން ސަލާހު އަދި ޝާފިއު ސުއޫދު ކާމިޔާބު ކުރި ދެގޯލެވެ،
މިއަދުގެ މެޗުގައި ފަސް ގޯލް ޖަހައި މެޗުގެ މޮޅު ކުޅުންތެރިޔާގެ މަގާމު ވެސް ހޯދީ ނޮއެނާގެ ޖާރޒީ ނަންބަަރު 5 ޝައިފާންއެވެ.
މި މުބާރާތުގައި މިރޭ ވެސް ފޯރިގަދަ މެޗުތަކެއް ކުޅެވިގެން ދާނެއެވެ.
20:00ގައި މެންޗެސްޓަރ ޔުނައިޓެޑް ސަޕޯރޓާސް ކްލަބް އެމްވީ ވާދަކުރާނީ ނަމުރު އެފްސީއާއެވެ. އަދި 21:00ގައި ކޭއެޗް ޔުނައިޓެޑް އާއި މަސްއޮޑި އެސްސީގެ ގަދަހިފުމެއް އޮންނާނެއެވެ. އަދި 22:00ގައި ބޫޗީސް އާއި ބުރު އެސްސީގެ ކުރިމަތިލުމެއް އޮންނައިރު، 23:00ގަައި އޮންނާނީ ޑީސީ އެވެންޖާރސް އާއި ޒެޕޯ ވާދަކުރާ ފޯރިގަދަ މެޗެކެެވެ.
މި މުބާރާތުގެ މެއިން ސްޕޮންސަރަކީ ބިގްމޭން ގެ "ޑުޕްރ ފިފްޓީން" އެވެ. ކޯ ސްޕޮންސަރަކީ އެސޯސިއޭޝަން ފޯ ޔޫތް އެމްޕަވަރމެންޓް އޮފް ގެމަނަފުށިއެވެ. މީގެއިތުރުން ވަން ކްލިކް މޯލްޑިވްސްއިން ހޯސޭލްކުރާ ލެމާރ ޖޫސްޕެކެޓާއި، ހުޅުމާލޭ ޑްރައިވަރސް އެސޯސިއޭޝަންނަކީވެސް ކޯ ސްޕޮންސަރުންނެވެ. ބެވެރޭޖް ޕާޓްނަރަކީ ރެޑްބުލްއެވެ.
ބޯލް ޕާޓްނަރަކީ މާކުއީ އެވެ. ސައުންޑް ޕާޓްނަރަކީ އޮފިޝަލް އިވެންޓްސް އެވެ. އަދި ޕްރިންޓިންގ ޕާޓްނަރަކީ ކުލަ މޯލްޑިވްސް އެވެ. މުބާރާތުގެ މީޑިއާ ޕާޓްނަރުންނަކީ، ދެން، ވަގުތު، ފަހުމިނެޓް އަދި މޯލްޑިވްސް ފުޓްސަަލް ޕްލޭޔާރސްއެވެ. އެހެނިހެން ސްޕޮންސަރުންނަކީ އަފޫ ޕެއިންޓްސް، މެރިލައިން މޯލްޑިވްސް، ޓޮޕް ތްރީ މޯލްޑިވްސްގެ އިތުރުން ޓްރިޕަލް އޭ އެޗް އެވެ.
މުބާރާތުގެ ޗެމްޕިއަން ޓީމަށް 25000 ރުފިޔާ ހަމަޖައްސާފައިވާއިރު ރަނަރަޕް ޓީމަށް 8000 ރުފިޔާ ވަނީ ކަނޑައަޅައިފަ އެވެ. މުބާރާތުގެ ޗެމްޕިއަން ޓީމަށް 15000 ރުފިޔާގެ އަގުހުރި ތައްޓެއް ދޭން ހަމަޖެހިފައިވާކަމަށް މަޅި އެމްވީން މައުލޫމާތުދެއެވެ.
މިއީ ކޮވިޑް-19 ގެ ބަލިމަޑުކަމުގެ ތެރެއިން މާލެއިން މި ބަލި ފެނުނު ފަހުން މި ސަރަހައްދުގައި ބާއްވާ އެންމެ ވަރުގަދަ އެއް ފުޓްސަލް މުބާރާތެވެ
