ތޮއްޑުއަށް އަރައި ފޭބުން މަނާކޮށްފި
އއ. ތޮއްޑޫ މޮނީޓަރިންގަށް ލައިފިއެވެ.
ހެލްތު އެމަޖެންސީ އޮޕަރޭޝަން ސެންޓަރ (އެޗްއީއޯސީ) އިން ބުނީ ތޮއްޑޫ އިން އިއްޔެ މާލެ އައި ފަރާތެއް ކޮވިޑް އަށް ފައްސި ވެފައިވުމާ ގުޅިގެން އެރަށް ވަނީ މޮނިޓަރިންގ ގެ ހާލަތަށް ގެނެވިފައި ކަމަށެވެ.
މޮނީޓަރިންގެ ހާލަތުގައި ހެލްތު ޕްރޮޓެކްޝަން އޭޖެންސީ (އެޗްޕީއޭ) ގެ ހުއްދައަކާ ނުލާ އެރަށުން އަރައިފޭބުން މަނާ ވާނެއެވެ.
އެޗްޕީއޭގެ އެންމެ ފަހުގެ ތަފާސް ހިސާބުތަކަށް ބަލާއިރު އިއްޔެ ރާއްޖެއިން 109 މީހުން ކޮވިޑް-19 އަށް ފައްސި ވެފައި ވެއެވެ. އެއީ މާލެއިން 78 މީހުންނާއި އަތޮޅު ތެރެއިން 11 މީހަކާއި ހިންގަމުން އަންނަ ރިސޯޓުތަކުން 20 މީހެކެވެ.
މިހާރު ރާއްޖެއިން މިބައްޔަށް ޖުމްލަ 15،102 މީހުން ފައްސި ވެފައި ވެއެވެ. ރާއްޖެއިން މިހާރު ކޮވިޑް ބަލިން ފަސޭހަ ވެފައިވަނީ ޖުމްލަ 13،884 މީހުންނެވެ. އަދި މިބަލީގައި މިހާތަނަށް ރާއްޖެއިން ނިޔާވި މީހުންގެ ޖުމްލަ އަދަދަކީ 51 އެވެ.
ހޮސްޕިޓަލުތަކުގައި މިހާރު ފަރުވާ ހޯދަމުން ދަނީ 87 މީހުންނެވެ.
Ads by STO
