ކޮވިޑް-19: ތޮއްޑޫއިން ފައްސިވީ ޕްރީ ސްކޫލް ޓީޗަރެއް
އއ. ތޮއްޑޫއިން ކޮވިޑް-19 އަށް ފައްސިވެފައި ވަނީ އެރަށުގެ ޕްރީ ސްކޫލް ޓީޗަރެއްކަން ހާމަވެއްޖެއެވެ.
ތޮއްޑޫ ސިއްޙީ މަރުކަޒު ހިންގުމާ ހަވާލުވެ ހުންނެވި ޢަބްދުﷲ ޝިފާޒް "ދެން" އަށް މައުލޫމާތު ދެއްވަމުން ވިދާޅުވީ އެޓީޗަރު މާލެ އައީ އިއްޔެ ކަމަށާއި ކޮވިޑަށް ފައްސިކަން އެނގުނީ މާލެ އައި ފަހުން ކަމަށެވެ.
ތޮއްޑޫއިން މާލެ އައި މީހަކު ކޮވިޑަށް ފައްސިވުމާ ގުޅިގެން އެރަށް ވަނީ މޮނީޓަރިންގަށް ލާފައެވެ.
އެޓީޗަރު ވަނީ ކުދިންނާ ކޮންޓެކްޓް ވެފައި ކަމަށް ވެސް ޝިފާޒް ވިދާޅުވިއެވެ.
އަދި މިހާރު ކޮންޓެކްޓް ޓްރޭސިން މަސައްކަތް ކުރިއަށް ދާކަމަށާއި ރޭންޑަމް ސާމްޕަލިންގެ މަސައްކަތް މިރޭގެ ވަގުތެއްގައި ފެށޭނެ ކަމަށް ވެސް ޝިފާޒް ވިދާޅުވިއެވެ. މޮނީޓަރިންގެ ހާލަތުގައި އެރަށް އޮތުމުން މިހާރު ބޭރުތެރޭގެ ހަރަކާތްތައް ވަނީ ހުއްޓާލާފައެވެ.
މި ވަގުތު ތޮއްޑޫ މޮނިޓަރިންގެ ހާލަތުގައި އޮތްއިރު މ.ކޮޅުފުށި އަދި ފުވައްމުލައް ވެސް ވަނީ އަރާ ފޭބުން މަނާ ކޮށްފައެވެ.
Ads by STO
