ކޮވިޑް-19: ޚާއްސަ ހުއްދައަކާއެކު، ނިލަންދޫއަށް އެރި މީހަކު ފައްސި ވެއްޖެ
ޚާއްސަ ހުއްދައަކާއެކު ފ. ނިލަންދޫއަށް އެރި މީހަކު ކޮވިޑް-19 އަށް ފައްސި ވެއްޖެއެވެ.
ނިލަންދޫ ކައުންސިލު ރައީސް މުޙައްމަދު ޖަލީލު "ދެން" އަށް މައުލޫމާތު ދެއްވަމުން ވިދާޅުވީ، ފައްސި ވެފައިވަނީ އެންވަޔަރަމަންޓް މިނިސްޓްރީގެ ފަރާތުން އެރަށަށް މިދިޔަ ހަފްތާގައި ވަޑައިގެންނެވި ބޭފުޅުންތަކެއްގެ ތެރެއިން އެކަކު ކަމަށެވެ.
"މިދިޔަ ހަފްތާ ބުރާސްފަތި ދުވަހު އެބޭފުޅުން މިކޮޅަށް ވަޑައިގަތީ، ދެން އާދީއްތަ ދުވަހު ހެނދުނު ފުރީ. އެންވަޔަރަމަންޓް މިނިސްޓްރީގެ ބޭފުޅުން ކޮޅެއް އެއީ، މިކޮޅުގެ ދިރާސާއެއް ހައްދަވަން ވަޑައިގަތީ. ފައްސި ވެފައިވަނީ އޭގެ ތެރެއިން އެކަކު" ޖަލީލު ވިދާޅުވިއެވެ.
ޚާއްސަ ހުއްދައަކާއެކު ނިލަންދޫއަށް އެރި ފިރިހެނަކު ފައްސިވުމާ ގުޅިގެން އެރަށުގައި ކޮންޓެކްޓް ޓްރޭސިންގެ މަސައްކަތް މިހާރު ކުރިއަށްދާ ކަމަށާއި ހެލްތު ޕްރޮޓެކްޝަން އޭޖެންސީން މިކަމާއި ބެހޭގޮތުން ނިންމާ ގޮތެއް އަންގަވާނެ ކަމަށް ލަފާ ކުރެވޭ ކަމަށް ވެސް ޖަލީލު ވިދާޅުވިއެވެ.
ކޮވިޑް ފްރީ ހުއްދައިގެ ދަށުން ވަޑައިގަތީ! ބެޑްމިންޓަން ކުޅުއްވަން ޔޫތު ސެންޓަރަށްވެސް ވަޑައިގެންނެވި! ރައްޔިތުން ގޭ ބަންދުގަ، މި ބޭފުޅުން އުޅުއްވާނެ ގޮތަކަށް އުޅުއްވަނީ! މިވެސް އެންމެފަހުން ނިމޭނީ ރައްޔިތުން ފަރުވާކުޑަވެގެން ވީކަމަކަށް ހަދާފަ!
ޭޢއީ ނުބައި މައުލޫމާތު ދިންމީހެއް.އޭނާ ރައްޓިވި ކުއްޖާ ޕޮޖިޓިވް ވެފަހުއްޓާ ވަނީ ބައްދަލް ކޮއްފަ.