ކޮވިޑް-19: ވިލިނގިލިން ކުޑަ ކުއްޖަކު ފައްސިވެއްޖެ
ގއ. ވިލިނގިލިން ކުޑަ ކުއްޖަކު ކޮވިޑް-19 އަށް ފައްސި ވެއްޖެއެވެ.
ވިލިނގިލީ ކައުންސިލު މެންބަރު ޙަބީބު ޙަސަން "ދެން" އަށް މައުލޫމާތު ދެއްވަމުން ވިދާޅުވީ އެރަށުން ފައްސި ވެފައި ވަނީ ކަރަންޓީނުގައި ހުރި، އުމުރުން 10 އަހަރުގެ ކުޑަ ފިރިހެން ކުއްޖެއް ކަމަށެވެ.
"ޗުއްޓީއަށް މާލެ ގޮސްފައި އައިސް ކަރަންޓީނުވީ މީހެއްގެ ދަރިފުޅު ފައްސިވީ. ކުއްޖާވެސް ހުރީ ކަރަންޓީނުގަ. ކަރަންޓީނުގަ ތިއްބާ ކޮންމެވެސް ވަރަކަށް އެކުއްޖާގެ ރޯގާގެ އަސަރު ފެނިގެން ޓެސްޓު ހެދީ. ޓެސްޓު ހެދުމުން މިއަދު އެނގުނީ ފައްސިކަން. ކުއްޖާ ހުރީ އޭނާގެ މަންމަ ގާތު ކަރަންޓީނުގަ" ހަބީބު ވިދާޅުވިއެވެ.
ޙަބީބު ވިދާޅުވީ ކުއްޖާގެ ހާލު ރަނގަޅު ކަމަށާއި، ނަމަވެސް އެކުއްޖާ ފައްސި ވުމާ ގުޅިގެން އޭނާގެ މާމަ އާއި މަންމަ ވެސް މިހާރު ޓެސްޓު ހަދައިފި ކަމަށެވެ. އެގޮތުން މާމަ ކޮވިޑަށް ނައްސި ވެފައިވާއިރު، މަންމަގެ ނަތީޖާ ލިބޭނީ މާދަމާ ކަމަށް ވެސް ވިދާޅުވިއެވެ.
Ads by STO
