24 ގަޑިއިރު މުދާ އުފުލޭ ގޮތަށް ބަދަލުކޮށްފި
މާލޭގައި 24 ގަޑިއިރު މުދާ އުފުލޭ ގޮތަށް ބަދަލު ކޮށްފިއެވެ.
މި ބަދަލަކީ މާލޭގައި ކޮވިޑް-19 ގެ ކޭސްތައް އިތުރުވަމުން އަންނާތީ ފިޔަވަޅުތައް ހަރުކަށި ކޮށްފައިވާތީ ގެނައި ބަދަލެކެވެ.
މިއަދު ކުރިއަށްދިޔަ ނޫސްވެރިންގެ ބައްދަލުވުމުގައި ސުޕްރިޑެންޓް އޮފް ޕޮލިސް ހުސެން ސަމީރު ވިދާޅުވީ ޓްރާންސްޕޯޓު އޮތޯރިޓީން 9 ޖެނުއަރީގައި ނެރެފައިވާ އިއުލާނުގައި 11:30 އިން 01:30 މުދާ އުފުލުން މަނާ ގަޑިއެއް ކަމުގައި އޮތް ނަމަވެސް މިއަދުން ފެށިގެން އެ އިއުލާނު ބާތިލް ކޮށްފައިވާ ކަމަށެވެ.
އަދި މިއަދުން ފެށިގެން 24 ގަޑިއިރު ހުރިހާ ޓަނޭޖަކަށް މުދާ އުފުލޭނެ ކަމަށް ވެސް ސަމީރު ވިދާޅުވިއެވެ.
"ބްރިޖު ވެސް އަދި މާލެ ތެރޭގައި ވެސް މުދާ އުފުލޭ ގޮތަށް މިހާރު ވަނީ ކުރިން ކުރި އިއުލާނު ބާތިލް ކުރެވި، މިހާރު 24 ގަޑިއިރު ހުރިހާ ޓަނޭޖަކަށް ވެސް މުދާ އުފުލޭނެ ގޮތަށް ބަދަލު ކުރެވިފައި ވަނީ" އޭނާ ވިދާޅުވިއެވެ.
ނަމަވެސް 24 ގަޑިއިރަށް މުދާ އުފުލުން ބަދަލުކުރި ނަމަވެސް އެއްގަމު އުޅަނދުފަހަރު ދުއްވުން މަނާ ގަޑިތަކުގައި މިކަން މަނާ ވާނެ ކަމަށާއި ފުލުހުން އެކަންކަން ބަލަމުން ގެންދާނެ ކަމަށް ސުޕްރިޑެންޓް އޮފް ޕޮލިސް ހުސެން ސަމީރު ވިދާޅުވިއެވެ.
