ހއ. ދިއްދޫން ދެ މީހަކު ކޮވިޑް-19 އަށް ފައްސިވެއްޖެ
ހއ. ދިއްދޫން ދެ މީހަކު ކޮވިޑް-19 އަށް ފައްސިވެއްޖެއެވެ. މައުލޫމާތު ލިބިފައިވާ ގޮތުގައި ކޮވިޑް-19 އަށް ފައްސިވެފައި ވަނީ ކަރަންޓީންގައި ތިބި ދެ މީހުންނެވެ.
ދިއްދޫގައި ހޯމް ކަރަންޓީންގައި ތިބި ދެ ފަރާތެއް ކޮވިޑަށް ފައްސިވެފައިވާ ކަމަށް ހާމަ ކުރަމުން އެރަށު ކައުންސިލުން ނެރުނު ބަޔާނެއްގައި ، ކަރަންޓީންގައި ތިބި ފަރާތްތަކާ ބައްދަލު ކުރުމަށް އެތަންތަނަށް އެއްވެސް މީހަކު ނުދިއުމަށް ވަނީ އަންގާފައެވެ. އަދި ކޮވިޑް-19 އަށް ފައްސިވެފައިވާ މީހުން ދިރިއުޅޭ ގޭގެ ނަންތައް ވެސް ވަނީ އާއްމު ކޮށްފައެވެ.
"ދެން" އަށް މައުލޫމާތު ދެއްވަމުން ދިއްދޫ ކައުންސިލު ރައީސް މުޙައްމަދު ހާޝިމް ވިދާޅުވީ އެރަށުން ފައްސިވެފައިވަނީ ދެ މީހުންނަކީ ކަރަންޓީނު ގައި ތިބި ދެމީހުން ކަމަށާއި އެހެންކަމުން އެމީހުންނާއި އެއްވެސް މީހަކާއި ދިމާވެފައި ނުވާ ކަމަށެވެ. ހާޝިމް ވިދާޅުވީ އެމީހުން ފައްސިކަން އެގުނީ ކަރަންޓީނު މުއްދަތު ހަމަވެ، ނެގި ރިލީސް ސާމްޕަލުން ކަމަށެވެ.
