ވެކްސިން ޖެހި އެއްވެސް މީހަކަށް ސީރިއަސް ސައިޑް އިފެކްޓެއް ދިމަލެއް ނުވޭ: ޑރ.ނަޒްލާ

ރާއްޖޭގައި ކޮވިޑް19 އާ ދެކޮޅަށް ކޮވިޝީލްޑް ވެކްސިން ޖެހި އެއްވެސް މީހަކަށް ހޮސްޕިޓަލްގައި އެޑްމިޓްކޮށްގެން ފަރުވާ ދޭން ޖެހޭ ފަދަ ސީރިއަސް ސައިޑް އިފެކްޓެއް ދިމާވެގެން ރިޕޯޓު ކޮށްފައި ނުވާކަމަށް ހެލްތު އެމަޖެންސީ އޮޕަރޭޝަން ސެންޓަރު (އެޗްއީއޯސީ) އިން ބުނެފިއެވެ.

މިރޭ އޮތް އެޗްއީއޯސީގެ ނޫސްވެރިންގެ ބައްދަލުވުމުގައި ތަރުޖަމާނު ޑރ. ނަޒްލާ ރަފީގު ވިދާޅުވީ އެފަދަ ކަމެއް ދިމާ ނުވި ނަމަވެސް ވެކްސިން ޖެހި މީހުންގެ ފަރާތުން ވަރުބަލިވުމާއި، ވެކްސިން ޖަހާ ތަނަށް ތަދުވެ ރަތްވުމާއި، ހުން އައުން ފަދަ އަސަރުތައް ފެނިފައިވާ ކަމަށެވެ. އަދި މި މައްސަލަތައް ދިމާވި ފަރާތްތަކަށް ވެސް ފަރުވާ ދެވިފައި ވާނެ ކަމަށް ނަޒްލާ ވިދާޅުވިއެވެ.

ވެކްސިންގެ ސަބަބުން އެއްވެސް ކަމެއް ފާހަގަ ވާނަމަ، ނުވަތަ އެލާޖިކް ރިއެކްޝަންއެއް ކުރިމަތިވާނަމަ 1676 އަށް ގުޅައި މައުލޫމާތު ހިއްސާކުރުމަށް ހެލްތު އެމަޖެންސީ އޮޕަރޭޝަން ސެންޓަރު (އެޗްއީއޯސީ) ވަނީ އާންމުންނަށް އިލްތިމާސް ކޮށްފައެވެ.

<span class="s1">ކޮވިޑަށް ވެކްސިން ރާއްޖޭގައި ޖަހަން ފަށާފައި ވަނީ މިދިޔަ ހޯމަދުވަހު އެވެ<span class="s2">. </span>ރާއްޖޭގައި</span> <span class="s1">މިވަގުތު</span> <span class="s1">ދެމުން</span> <span class="s1">ދަނީ</span> <span class="s1">އިންޑިއާގެ</span> <span class="s1">ސީރަމް </span><span class="s1">އިންސްޓިޓިއުޓުން</span> <span class="s1">އުފައްދާފައިވާ،</span> <span class="s1">އަދި</span> <span class="s1">ރާއްޖެއަށް </span><span class="s1">ހަދިޔާ</span> <span class="s1">ކޮށްފައިވާ</span> <span class="s1">އަސްޓްރާޒެނެކާ</span><span class="s2"> "</span><span class="s1">ކޮވިޝީލްޑް</span><span class="s2">" </span><span class="s1">ވެކްސިނެވެ</span><span class="s2">.</span>

ހެލްތު ޕްރޮޓެކްޝަން އޭޖެންސީ (އެޗްޕީއޭ) އިން އާންމު ކޮށްފައިވާ ޑޭޓާއަަށް ބަލާއިރު 2،898 މީހުންނަށް މިއަދު ކޮވިޑަށް ވެކްސިން ދީފައި ވެއެވެ. އަދި މިހާތަނަށް މުޅި ރާއްޖެއިން ޖުމްލަ 9،752 މީހުންނަށް ވެކްސިން ދީފައި ވެއެވެ.

މާލެ ސަރަޙައްދުގައި ވެކްސިން ދިނުމަށް ގާއިމް ކޮށްފައިވާ 6 ސެންޓަރުން މިހާތަނަށް ޖުމްލަ 7،963 މީހުންނަށް ވެކްސިން ދީފައިވާއިރު އަތޮޅުތެރޭގެ ދެ ސެންޓަރުން މިހާތަނަށް ޖުމްލަ 1،789 މީހުންނަށް ވަނީ ވެކްސިން ދީފައި ވެއެވެ.