ކޮވިޑް-19: އައްޑޫ ސިޓީ ފޭދޫން އިތުރު ދެ މީހަކު ފައްސިވެއްޖެ

އައްޑޫ ސިޓީ ފޭދޫން އިތުރު ދެ މީހަކު ކޮވިޑް-19 އަށް ފައްސި ވެއްޖެއެވެ.

Ads by MWSC

ފައްސިވެފައި ވަނީ އެއް ގެއެއްގައި ދިރިއުޅެމުންދާ ދެ މީހެއް ކަމަށް މައުލޫމާތު ލިބެއެވެ.

ހިތަދޫން ކްލަސްޓާއެއް އުފެދިފައި ވަނީ، ކަރަންޓީނުގައި ނެތް ދެ މީހަކު އެރަށުން މިމަހުގެ 5 ވަނަ ދުވަހު ކޮވިޑަށް ފައްސިވުމާ ގުޅިގެންނެވެ.

މި ކްލަސްޓާއަށް ނިސްބަތްވާ މީހުން އައްޑޫ ސިޓީގެ ގުޅިފައިވާ ރަށްތަކުގައި ތިބިއިރު، ގދ. ތިނަދޫގައި ވެސް މި ކްލަސްޓާއަށް ނިސްބަތްވާ އެކަކު އެބަހުއްޓެެވެ.

މިއާއެކު އައްޑޫ ސިޓީން އެ ކްލަސްޓާއަށް ނިސްބަތްވާ މީހުންގެ އަދަދު ވަނީ 24 އަށް އަރާފައެވެ.

މި ކްލަސްޓާއާ ގުޅިގެން އައްޑޫ ސިޓީ އާއި ތިނަދޫއަށް އަރާ ފޭބުން ވަނީ މަނާ ކޮށްފައެވެ.