ޑރ. ނަޒްލާ ވެކްސިން ޖަހައިފި
ހެލްތު އެމަޖެންސީ އޮޕަރޭޝަން ސެންޓަރުގެ ތަރުޖަމާނު ޑރ. ނަޒްލާ ރަފީގު ކޮވިޑް ވެކްސިން ޖައްސަވައިފިއެވެ.
ވެކްސިން ޖެއްސެވުމަށްފަހު އެކަން ހާމަ ކުރެއްވުމަށް ޑރ. ނަޒްލާ ވަނީ ވެކްސިން ޖެހި މަންޒަރާއެކު ޓްވީޓު ކޮށްފައެވެ. އެ ޓްވީޓުގައި ބުނެފައި ވަނީ ފަރުދީ ޒިންމާ އަދާކުރަން މުޖުތަމައުގެ އެންމެންވެސް ސަމާލުކަން ދޭން ޖެހޭ ކަމަށެވެ.
މީގެއިތުރުން ޑރ. ނަޒްލާ ވަނީ ކޮވިޑް ވެކްސިން ޖެހުމަށް އިލްތިމާސް ކުރައްވައި ޕޯޓަލްގައި ރަޖިސްޓާ ވުމަށް އެދިލައްވާފައެވެ.
ހެލްތު ޕްރޮޓެކްޝަން އޭޖެންސީ (އެޗްޕީއޭ) އިން އާންމު ކޮށްފައިވާ ޑޭޓާއަަށް ބަލާއިރު 5،204 މީހުންނަށް މިއަދު ކޮވިޑަށް ވެކްސިން ދީފައި ވެއެވެ. އަދި މިހާތަނަށް މުޅި ރާއްޖެއިން ޖުމްލަ 43،817 މީހުންނަށް ވެކްސިން ދީފައި ވެއެވެ.
މާލެ ސަރަޙައްދުގައި ވެކްސިން ދިނުމަށް ގާއިމް ކޮށްފައިވާ 6 ސެންޓަރުން މިހާތަނަށް ޖުމްލަ 35،289 މީހުންނަށް ވެކްސިން ދީފައިވާއިރު އަތޮޅުތެރޭގެ ދެ ސެންޓަރުން މިހާތަނަށް ޖުމްލަ 8،429 މީހަކަށް ވެކްސިން ދީފައި ވެއެވެ. އަދި ރިސޯޓުތަކުން 99 މީހަކަށް ވެކްސިން ދީފައިވެއެވެ.
Ads by STO
