ކޮވިޑް19 ވެކްސިން: ރަޝިއާ އިން ކާމިޔާބު ކަމާއެކު ހިއުމަން ޓްރަޔަލްސް ނިންމާލައިފި
ކޮވިޑް19 ގެ ސަބަބުން މުޅި ދުނިޔެ ހުއްޓުމަކަށް އައިސް ބަލިމަޑުކަމެއްގެ ތެރެއަށް ވެއްޓިފައިވާއިރު، ވައިރަހަށް ވެކްސިން އެއް އުފެއްދުމުގެ މަސައްކަތް ވެސް އަންނަނީ މެދުކެނޑުމެއްނެތި ކުރަމުންނެވެ.
އެގޮތުން ރަޝިއާ އިން ކޮވިޑަށް ތައްޔާރުކުރި ވެކްސިން ގެ ހިއުމަން ޓަރަޔަލް އިންސާނުންނަށް ވެކްސިން ދީގެން އަޖުމަ ބެލުން މި ވަނީ ނިމިފައެވެ.
ރިޕޯޓުތައް ބުނާ ގޮތުގައި ރަޝިއާ އަކީ މުޅި ދުނިޔެއިން ވެސް ވެކްސިން ގެ ހިއުމަން ޓަރްޔަލްސް ނިންމި އެންމެ ފުރަތަމަ ގައުމެވެ.
މިކަމާ ގުޅިގެން ނެރުނު ސްޓޭޓްމެންޓެއްގައި މިކަމުގައި އިސްކޮށް ހަރަކާތްތެރިވި ސްމޮލްޔަރްޗުކް ބުނެފައިވާ ގޮތުގައި އިންސާނުން ބޭނުން ކޮށްގެން ކުރި ރިސާޗު ވަނީ ނިމިފައެވެ. އަދި މި ދިރާސާއިން އިންސާނުން ބޭނުން ކުރުމަށް މި ވެކްސިން ރައްކާތެރި ކަމަށް ދައްކާފައިވާ ކަމަށްވެސް އޭނާ ބުނެފައިވެއެވެ.
މި ހިއުމަން ޓްރަޔަލް ގައި ބައިވެރިވި ފަރާތްތައް ޖުލައި 15 އާއި ޖުލައި 20 ގައި ހޮސްޕިޓަލުން ދޫކޮށްލެވޭނެއެވެ.
ހިއުމަން ޓަރަޔަލްސް ނިމުނު ކަމުގައި ވިޔަސް ވެކްސިން މާކެޓަށް ނެރުމުގެ ކުރިން އަދި އިތުރު 2 ޓެސްޓު ފުރިހަމަ ކުރަން ޖެހޭނެއެވެ.
