ހުރާއިން މާލެ ގެނައި މީހަކު ފައްސިވެ، ރަށް މޮނިޓަރިން އަށް

ކ. ހުރާ އިން މާލެ ގެނައި މީހަކު ކޮވިޑް-19 އަށް ފައްސިވެ، ހުރާ މޮނިޓަރިންގެ ހާލަތަށް ގެެނެސްފިއެވެ.

Ads by Hajj Corporation

ހުރާ ކައުންސިލްގެ ރައީސް އީސާ މުހައްމަދުއާ ހަވާލާދީ އޮންލައިން ނޫސް “ވަގުތު” ގައި ރިޕޯޓު ކޮށްފައިވާ ގޮތުގައި ފައްސިވި މީހާ މާލެ ގެންގޮސްފައި ވަނީ، ޑޮކްޓަރުންގެ ލަފަޔާއެކު ރަށުން ހެދެން ނެތް ޓެސްޓުތަކެއް ހެދުމަށްޓަކައެވެ.އަދި އައިޖީއެމްއެޗްގެ އުސޫލުތަކާ އެއްގޮތަށް ހޮސްޕިޓަލަށް ގެންދިއުމުން ޓެސްޓު ކުރި ކަމަށާއި، ފައްސިވިކަން އެނގުނީ މިގޮތުން ޓެސްޓު ހެދުމުން ކަމުގައި އޭނާ ވިދާޅުވިއެވެ.

ފައްސިވެފައި ވަނީ އުމުރުން 72 އަހަރުގެ ދިވެއްސެކެވެ.

މި މީހާއާ ފައްސިވި 11 މީހެއް މިހާތަނަށް ފާހަގަ ކުރެވިފައިވާއިރު، ތިން ގެޔެއް ވަނީ ކަރަންޓީނު ކޮށްފައެވެ.