އާ ޤާނޫނުގެ ދަށުން ރައްޔިތުންނާ ގާތުން މަސައްކަތްކުރާ ބަޔަކަށް ފުލުހުން ވެގެންދާނެ: ރައީސް ޞާލިޙް
ފުލުހުންގެ އާ ޤާނޫނުގެ ދަށުން، ރައްޔިތުންނާ ގާތުން މަސައްކަތްކުރާ ބަޔަކަށް ފުލުހުން ވެގެންދާނެ ކަމަށް ރައީސް އިބްރާހިމް މުޙައްމަދު ޞާލިޙް ވިދާޅުވެއްޖެއެވެ.
ފުލުހުންގެ އާ ޤާނޫނަށް މިއަދު ޢަމަލުކުރަން ފެށުމުން އެންމެހާ ފުލުހުންނަށް ތަހުނިޔާ އަރިސް ކުރައްވަމުން ރައީސް ޞާލިޙް ވިދާޅުވީ އާ ޤާނޫނުގެ ދަށުން ހުރިހާ ފުލުހުން ކުރެއްވި ހުވަޔާއެކު ޚިދުމަތުގެ ފެންވަރު މަތިވެ، މިހާރަށްވުރެ ރައްޔިތުންނާ ގާތުން މަސައްކަތްކުރާ ބަޔަކަށް ފުލުހުން ވެގެންދާނެ ކަމަށް ޤަބޫލު ކުރައްވާ ކަމަށެވެ.
"ފުލުހުންގެ އާ ޤާނޫނަށް މިއަދު ޢަމަލުކުރަން ފެށުމުން އެންމެހާ ފުލުހުންނަށް ތަހުނިޔާ އަރިސްކުރަން. އާ ޤާނޫނުގެ ދަށުން ހުރިހާ ފުލުހުން ކުރެއްވި ހުވަޔާއެކު ޚިދުމަތުގެ ފެންވަރުމަތިވެ، މިހާރަށްވުރެ ރައްޔިތުންނާ ގާތުން މަސައްކަތްކުރާ ބަޔަކަށް ފުލުހުން ވެގެންދާނެ ކަމަށް ޤަބޫލު ކުރަން." ރައީސް ޞާލިޙް ވިދާޅުވިއެވެ.
ފުލުހުންގެ މުޢައްސަސާއަށް އިސްލާހީ ބޮޑެތި ބަދަލުތަކެއް ގެންނާނެ، ފުލުހުންގެ ޚިދުމަތުގެ ޤާނޫނަށް އަމަލުކުރަން ފެށުމަށް މިއަދު ވަނީ ހުވާ ކޮށްފައެވެ.
މިޤާނޫނަކީ މިދިޔަ ޑިސެމްބަރުމަހުގެ 6 ވަނަ ދުވަހު މަޖިލީހުން ފާސްކޮށް، ޑިސެމްބަރުމަހުގެ 27 ވަނަ ދުވަހު ރައީސް ޞާލިޙް ތަޞްދީޤު ކުރެއްވި ޤާނޫނެެކެވެ.
މި ޤާނޫނުގައި ފުލުހުންގެ ޚިދުމަތް ފޯރުކޮށްދިނުމުގެ މައިގަނޑު އަސާސްތަކާއި އުސޫލުތަކާއި، ފުލުހުންގެ ޚިދުމަތުގެ މައިގަނޑު މަސްއޫލިއްޔަތުތަކާއި، ބާރުތަކާއި، އެ ޚިދުމަތާގުޅޭ އެނޫން ވެސް ކަންކަން ބަޔާން ކޮށްފައި ވެއެވެ.
ކީއްވެތަ ކިބުބަބަ ކަލޭ ހޮވަން އެއްމެން ކުރިމަތީ ބުނީ މޫނު ބުރުގާ އަޅާ މީހުންނަށް ވަޒީފާ ދޭނަމޭ. ނުވާ ހާލު ދޮގު ހަދާނެ.. ވަޒީފާ ލިބޭނެ ކަމަށް އިންޓްވިޔު އައް ދިޔާމަ އެބަ ބުނޭ ހޯހޯ އޭ މޫނު އެޅި މީހުންނަށް ވަޒީފާ އެއް ނުދެމެ.. ނޫނީ ވަޒީފާގަ އުޅޭ އިރު އެބަ ކަނޑާލާ މޫނު ބުރްގާ އެޅީމަ އެ ކިޔާފަ.. އެކަމް ބުނާނެ މި މީހުންނަކީ މުސްލިމުންނޭ.. އެހެން މީހުންގެ ހައްޤުތައް ފޭރިގަނެފަ ވެސް.
ހަމަ ތެދެއް.. ތިކަމަށް އެއްބަސްވާން