Monday, 16 November 2026
Advertisement
Ooredoo — Article-Top (leaderboard)
ދީން

މާތް ﷲ އަހަރެމެން މި ދުނިޔެއަށް ފޮނުއްވެވީ ކޮން ބޭނުމަކު؟

މާތް ﷲ އަހަރެމެން މި ދުނިޔެއަށް ފޮނުއްވެވީ ކޮން ބޭނުމަކު؟

މުޅި ދުނިޔެއަށް މަޝްހޫރު ދީނީ ޢިލްމުވެރިޔާ މުފްތީ މެންކުގެ ދަރުހެއްގައި ވިދާޅުވެފައިވެއެވެ.

"މި ދުނިޔެއަށް މީހުން އުފަންވެއެވެ. އަދި އެބައެއްގެ އަޖަލު ހަމަވުމުން ދުނިޔެ ދޫކޮށް ދެއެވެ.

މަރުވާނީ ކޮންއިރަކު ކޮން ވަގުތަކުކަން އެކަކަށް ވެސް ނޭނގޭނެއެވެ. އަދި ދުނިޔެއަށް ކޮންމެ އިންސާނަކު ވެސް ފޮނުއްވުމަށް ފަހު އެކަލާނގެ އެ މީހަކާ އެކިއެކި ހުރަސްތައް ކުރިމަތި ކުރައްވައެވެ. އެއީ އިންސާނުންނަށް އިމްތިހާނެއްގެ ގޮތުގައެވެ.

Advertisement
Ooredoo — Square (box)

އެކަލާނގެ އަހަރުމެން މި ދުނިޔެއަށް ފޮނުއްވެވީ ކީއްވެކަން ނުވަތަ ކޮން ބޭނުމަކުކަން އެނގޭ ހެއްޔެވެ؟ އެއީ އެކަލާނގެއަށް އަޅުކަން ކުރުމަށެވެ. ފަރުޟު ފަސް ނަމާދު ގާއިމް ކުރުމަށެވެ. ފަހެ، ފަރުޟު ފަސް ނަމާދު ގާއިމް ނުކުރާ މީހާ ވެގެން ވަނީ ބޮޑު ވެގެންވާ އަޒާބެއްގައިކަން ކަށަވަރެވެ.

ފަރުޟު ފަސް ނަމާދު ގާއިމް ކުރަންވަނީ އަހަރެމެންނާއި އެކަލާނގެއާ ދެމެދު އޮންނަ ގުޅުން ވަރުގަދަ ކުރުމަށެވެ. މާތް ﷲ އާއި އެކަލާނގެ ރަސޫލާ (ޞޢޥ) އެންގެވިމަގު އިޚްތިޔާރުކޮށް، ފުރިހަމައަށް އީމާންވުމުން ނޫނީ އަހަރެމެން މި ދުނިޔެއަށް ފޮނުއްވާފައިވާ ސަބަބެއް އަހަރުމެންނަކަށް ރަނގަޅަށް ނޭނގޭނެއެވެ.

މާތް ﷲއަށް އަޅުކަން ކުރަންވީ އެކަލާނގެއާއި ބައްދަލުވާނެ ދުވަހު (ތިމާ މި ދުނިޔެއިން ވަކި ވެގެންދާ ހިނދު) މަރަށް ފުރިހަމައަށް ތައްޔާރުވެފައި އަޅަކަށް ވުމަށެވެ. މާނައަކީ އެކަލާނގެ އާއި އެކަލާނގެ ރަސޫލާ (ޞޢޥ) އެންގެވި ގޮތަށް އުޅެ، ހެޔޮ ޢަމަލުތައް ގިނަކޮށް ތިމާއަކީ ކޮންމެ ވަގުތަކުވެސް މަރުވެދާނެ މީހެއްކަމަށް ތައްޔާރުވެ ހުރުމެވެ. ސުވަރުގެވަންތަ ވެރިއަކަށް ވުމުގެ ނަސީބު ލިބުން އޮތީ އެއިރުންނެވެ."

ރިއެކްޝަން

Advertisement
Allied — Dhen Online (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.