ﷲ އަށް ހަމްދުހުރި، އިތުރު 39 މީހަކު ބަލިން ރަނގަޅު ވެއްޖެ
ރާއްޖެއިން ކޮވިޑް-19 އަށް ފައްސިވި މީހުންގެ ތެރެއިން އިތުރު 39 މީހަކު ބަލިން ރަނގަޅު ވެއްޖެއެވެ.
މި 39 މީހުންނާއެކު، ރާއްޖެއިން ބަލިން ރަނގަޅުވި މީހުންގެ ޖުމްލަ އަދަދު ވަނީ 2607 އަށް އަރާފައެވެ.
ހެލްތު ޕްރޮޓެކަޝަން އެޖެންސީ(އެޗްޕީއޭ) އިން ބުނީ މިއަދު އިތުރު 74 މީހުން ފައްސިވި ކަމަށާއި އޭގެ ތެރެއިން 70 ކޭސް ފެނިފައިވަނީ މާލެއިން ކަމަށާއި އަނެއް 4 ކޭސް ފެނިފައިވަނީ އަތޮޅުތެރެއިން ކަމަށެވެ.
އެޗްޕީއޭއިން ބުނީ މިއަދު ފައްސިވި މީހުންގެ ތެރޭގައި ހިމެނެނީ 44 ދިވެހިންނާއި، ބަންގްލަދޭޝްގެ 19 މީހަކާއި، އިންޑިއާގެ 8 މީހެއްގެ އިތުރުން ސްރިލަންކާ މީހަކާއި ނޭޕާލް މީހެއްގެ އިތުރުން ފިލިޕީންސް މީހެއް ކަމަށެވެ.
މިއަދު ފައްސިވި މީހުންނާއެކު ރާއްޖޭގެ އަދަދު ވަނީ 3793 އަށް އަރާފައެވެ. މީގެތެރެއިން ފަރުވާ ދެމުން އަންނަނީ 1155 މީހުންނަށެވެ.
ރާއްޖެއިން ކޮވިޑް ޖެހިގެން މިހާތަނަށް ނިޔާވެފައި ވަނީ 16 މީހެކެވެ. އޭގެ ތެރޭގައި ހިމެނެނީ 10 ދިވެހީންނާއި، ބަންގްލަދޭޝްގެ ފަސް މީހަކާއި ފިލިޕީންސްގެ މީހެކެވެ.
Ads by STO
