އަންހެނަކު ރޭޕްކުރި ކަމަށް ބުނާ ދެ މީހުންގެ ބަންދަށް ފަސް ދުވަސް ޖަހައިފި

މާލޭގައި އަންހެނަކު ރޭޕް ކުރިކަމަށް ބުނާ މައްސަލައިގައި ހައްޔަރުކުރި ދެ ފިރިހެނުންގެ ބަންދަށް ކްރިމިނަލް ކޯޓުން އިއްޔެ ފަސް ދުވަސް ޖަހައިފިއެވެ.
ފުލުހުންގެ މީޑިއާ އޮފިޝަލަކު އިއްޔެ ވިދާޅުވީ މާލޭގައި ދެ މީހަކު ވެގެން އަންހެނަކު ރޭޕް ކުރި ކަމަށް ތުހުމަތު ކުރެވޭ މައްސަލައެއް ފުލުހުންނަށް ހުށަހަޅާފައި ވަނީ މިދިޔަ ބުރާސްފަތި ދުވަހުގެ ރޭ 8:10 ހާއިރު ކަމަށެވެ. މި މައްސަލައާ ގުޅިގެން ހައްޔަރު ކޮށްފައި ވަނީ އުމުރުން 18 އަހަރުގެ ދިވެހި ފިރިހެނަކާއި 23 އަހަރުގެ ދިވެހި ފިރިހެނެކެވެ.
ފުލުހުން ވިދާޅުވި ގޮތުގައި، މި މައްސަލައިގައި ހައްޔަރުކުރި ދެ މީހުންނަކީ ވެސް ކުށުގެ ރެކޯޑް އޮންނަ ދެ މީހުންނެވެ. އަދި އެ މީހުން ހައްޔަރުކުރީ ކުށުގެ ވެށިން ކަމަށް ވެސް ފުލުހުން ވިދާޅުވެފައިވެއެވެ.
މި ހާދިސާގެ މަންޒަރު ދުށް ބައެއް މީހުން ބުނި ގޮތުގައި، މިދިޔަ ބުރާސްފަތި ދުވަހުގެ ރޭ މާލޭގައި އަންހެނަކު ރޭޕް ކޮށްފައިވަނީ، އެ އަންހެން މީހާ އުފުލައިލައިގެން ގެންގޮސް ގަދަކަމުން ގެއެއްގެ ތެރެއަށް ވައްދައިގެންނެވެ. ފަހަކަށް އައިސް އަންހެނުންނާއި ކުޑަކުދިންނަށް ޖިންސީ ގޯނާ ކުރުމާއި ރޭޕް ކުރުމުގެ މައްސަލަތައް ވަނީ ވަރަށް ބޮޑަށް އިތުރުވެފައެވެ.


.jpg)
.jpeg)

ކޮމެންޓް
މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.