Wednesday, 18 November 2026
Advertisement
Ooredoo — Airfibre (leaderboard)
ޚަބަރު

ކަލައިދޫ ވޯޓްފޮށީގައި ޞައްޙަ ވޯޓްތަކެއް ބާތިލްކޮށްފައިވާކަން ހާމަވެއްޖެ

ކަލައިދޫ ވޯޓްފޮށީގައި ޞައްޙަ ވޯޓްތަކެއް ބާތިލްކޮށްފައިވާކަން ހާމަވެއްޖެ

މިމަހުގެ 10 ވަނަ ދުވަހު ބޭއްވި ލޯކަލް ކައުންސިލް އިންތިޚާބުގެ ލ.ކަލައިދޫގައި ބެހެއްޓި ފޮށީގެ ނަތީޖާ އަލުން ޗެކްކޮށްފިއެވެ.

އިލެކްޝަންސް ކޮމިޝަންއަށް ހުށަހަޅައިފައިވާ ޝަކުވާއަކާ ގުޅިގެން މިއަދު އެ ފޮށީގެ ނަތީޖާއާއި ވޯޓްތައް ބަލައި ޗެކް ކުރުމާއެކު ބާތިލް ވޯޓްގެ ގޮތުގައި ކަނޑައެޅި 31 ވޯޓް ކަރުދާހުގެ ތެރެއިން 20 ކަރުދާހަކީ ޞައްހަ ކަރުދާސް ކަމުގައި ވަނީ ހާމަ ވެފައެވެ.

ކަލައިދޫގެ ވޯޓް ފޮއްޓާ ގުޅިގެން އީސީއަށް ޝަކުވާ ހުށަހެޅުނީ ބާތިލް ވޯޓް ކަނޑައެޅުމުގައި މައްސަލަތަކެއް ހުރި ކަމަށާއި އެކަމުގެ ސަބަބުން އެ ރަށު ކައުންސިލްގެ ރައީސްކަމުގެ ނަތީޖާއަށް ބަދަލު އައުމުގެ ފުރުސަތު އޮތް ކަމަށް ބުނެއެވެ. ވަގުތީ ނަތީޖާތައް ދައްކާ ގޮތުގައި ކަލައިދޫ ކައުންސިލަށް ކުރިމަތިލި އެމްޑީޕީގެ ކެނޑިޑޭޓް އަޙުމަދު ޝިޔާމްއަށް 271 ވޯޓް ލިބުނުއިރު ޕީޕީއެމްގެ ކެނޑިޑޭޓް އިސްމާޢީލް ޝަފީއުއަށް ލިބުނީ 264 ވޯޓެވެ.

Advertisement
Allied Insurance — Square (box)

ކަލައިދޫގައި ބެހެއްޓި ވޯޓް ފޮށީގެ ނަތީޖާ ބަލައި ޗެކްކުރިއިރު ބާތިލްގެ ގޮތުގައި ގުނައިފައިވާ 20 ވޯޓެއް ޞައްޙަ ވެގެން ދިޔަ ނަމަވެސް އެ 20 ވޯޓް ، ދިޔައީ ދެ ކެނޑިޑޭޓުންގެ މެދުގައި ހަމަޔަށް ބެހިގެންނެވެ. އެހެންކަމުން އިންތިޚާބުގެ ޖުމްލަ ނަތީޖާ ބަދަލުވެފައެއް ނުވެއެވެ.

ލޯކަލް ކައުންސިލްގެ އިންތިޚާބާ ގުޅިގެން ކެނޑިޑޭޓުންނާއި ޕާޓީތަކުން ވެސް ހުށަހަޅާ ޝަކުވާ އީސީން ދަނީ ބަލައިގަންނަމުންނެވެ. އަދި ނަތީޖާއަށް ބަދަލު އައުމުގެ ފުރުސަތު އޮތްކަމަށް ބެލެވޭ ވޯޓް ފޮށިތައް އީސީން ދަނީ އަލުން ޗެކް ކުރަމުންނެވެ. އެގޮތުން ފިއްލަދޫގެ ވޯޓް ފޮއްޓަކާއި އޮޅުވެލިފުށީގެ ވޯޓް ފޮއްޓެއް ވެސް މިއަދު ވަނީ ޗެކް ކޮށްފައެވެ. އޭގެ ތެރެއިން އެއްވެސް ފޮއްޓަކުން ނަތީޖާއަށް ބަދަލު އައިސްފައެއް ނުވެއެވެ.

ރިއެކްޝަން

Advertisement
Allied — Dhen Online (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.