މާވަށުން 3 މީހުން ފައްސިވެ ރަށް މޮނިޓަރިންގއަށް ލަނީ
ލ.މާވަށުން ކޮވިޑް-19އަށް 3 މީހަކު ފައްސިވެއްޖެއެވެ.
"ދެން" އަށް މަޢުލޫމާތު ދެއްވަމުން އެރަށު ކައުންސިލްގެ ރައީސް އަހްމަދު މޫސާ ވިދާޅުވީ ކޮވިޑް-19 އަށް ފައްސިވެފައި ވަނީ ހުން އައިސްގެން ޑަކްޓަރަށް ދެއްކި ބައެއް ކަމަށާއި ފައްސިވެފައި ވަނީ އެއް ގެއެއްގެ މީހުން ކަމަށެވެ. އަދި ފައްސިވި މީހުންގެ ތެރޭގައި އުމުރުން ދުވަސްވީ ފިރިހެނެއް ހިމެނޭކަމަށް ވެސް އޭނާ ވިދާޅުވިއެވެ.
އެރަށުން ޖުމްލަ 7 ސާންޕަލް ނެގިއިރު މީގެ ތެރެއިން 4 ސާންޕަލްގެ ނަތީޖާ އަދި ނުލިބެއެވެ.
އަޙުމަދު މޫސަ އިތުރަށް ވިދާޅުވީ، ކޮންޓެކްޓް ޓްރޭސިންގގެ މަސައްކަތް މިހާރު ކުރަމުން އަންނަ ކަމަށާއި ރަށް މޮނިޓަރިންގއަށް ލުމަށްވާން ޖެހޭ ތައްޔާރީތައް ވެސް މިހާރުވަމުން އަންނަ ކަމަށެވެ.
ލ.އަތޮޅުގެ ގިނަ ރަށްތަކަކުން ކޮވިޑް-19 ކޭސްތަކެއް މި ވަނީ ފެނިފައެވެ. އޭގެ ތެރޭގައި ވެރިކަން ކުރާރަށް ފޮނަދޫއާއި ސިނާއީ ރަށެއް ކަމުގައިވާ މާންދޫގެ އިތުރުން، ގަން، ދަނބިދޫ، މާބައިދޫ، އިސްދޫ ހިމެނެއެވެ.
Ads by STO
