Sunday, 22 November 2026
Advertisement
Ooredoo — Airfibre (leaderboard)
ޚަބަރު

އަންހެނަކު ރޭޕް ކުރި ކަމަށް ތުހުމަތު ކުރެވޭ ދެމީހުން ޕީޖީން އެދުމުން ދޫކޮށްލައިފި

އަންހެނަކު ރޭޕް ކުރި ކަމަށް ތުހުމަތު ކުރެވޭ ދެމީހުން ޕީޖީން އެދުމުން ދޫކޮށްލައިފި
މިދިޔަ އޭޕްރީލް މަހުގެ ތެރޭގައި މާލޭ މަގުމަތިން ގަދަކަމުން އަންހެނަކު ގޯޅި ގަނޑެއްގެ ތެރެއަށް ވައްދައި ރޭޕްކުރި ކަމަށް ތުހުމަތުކޮށް ހައްޔަރުކުރި ދެ މީހުން ޕްރޮސެކިއުޓަރ ޖެނެރަލް އޮފީހުން އެންގި އެންގުމަށް ބަންދުން ދޫކޮށްލައިފިއެވެ. މި މައްސަލައިގައި ހައްޔަރު ކޮށްފައި ވަނީ ހދ. ނޭކުރަންދޫ، ވިނަރެސް، އާދަމް ވިޝާން، 18، އާއި ހދ. ވައިކަރަދޫ، މިލާފަރު، އަލީ ރަޝީދު، 23، އެވެ. މި ދެމީހުން ވެސް ދޫކޮށްލީ އެއްފަހަރުގެ މަތިން ބަންދުގެ މުއްދަތު އިތުރުކުރުމަށް ފަހު މި މަހުގެ 19 ވަނަ ދުވަހު އެމީހުންގެ ބަންދާމެދު ގޮތެއް ނިންމުމަށް ކްރިމިނަލް ކޯޓަށް ހާޒިރު ކުރުމުންނެވެ. ކްރިމިނަލް ކޯޓުުން ބުނީ އެ ދެމީހުން ޝަރުތުކޮށް ބަންދުން ދޫކޮށްލުމަށް ޕްރޮސެކިއުޓަރ ޖެނެރަލް އޮފީހުން އެދުމުން ފުލުހުންގެ ފޯމުގެ އެދިފައިވާ ސްޓޭންޑް ބަދަލުކޮށް ދެމީހުން ބަންދުން ދޫކޮށްލައިފައިވާ ކަމަށެވެ. އެގޮތުން އާދަމް ވިޝާން ބަންދުން ދޫކޮށްލަން އަމުރުކުރީ، އޭނާގެ މައްޗަށް ތަހުގީގު ފުރިހަމަ ކުރުމަށް ފަހު، އޭނާގެ މައްޗަށް ހުށަހަޅައިފައިވާ ހެއްކާއި ގަރީނާއަށް ރިއާޔަތްކޮށް ޕީޖީ އޮފީހުން ޝަރުތުކޮށް އޭނާ ދޫކޮށްލަން އެދިފައިވާތީ ކަމަށް ކޯޓު އަމުރުގައި ބުނެފައިވެއެވެ.

އަދި އަލީ ރަޝީދު ދޫކޮށްލީ އޭނާ އިތުރަށް ބަންދުގައި ބަހައްޓަންޖެހޭ ސަބަބެއް ނެތުމުން ޝަރުތުކޮށް ދޫކޮށްލުމަށް ޕީޖީ އޮފީހުން އަމުރުކޮށްފައި ވާތީކަމަށް އަމުރުގައި ބުނެފައި ވެއެވެ. އަލީ ރަޝީދު ބަންދުގައި ހުއްޓައި އޭނާ ކޮވިޑް19އަށް ފައްސިވެ އެކަހެރި ކޮށްފައިިވާތީ، އޭނާ ބަންދުން ދޫކޮށްލަން އަމުރުކުރީ އޭނާގެ ޣައިރު ހާޒިރުގައެވެ.

ރިއެކްޝަން

Advertisement
Ooredoo — Square (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.