އައިސީޔޫގައި ބަލި މީހުންނަށް ފަރުވާދެނީ ސޫރަތުއްރަޙްމާން ޖަހައިގެން
ކޮވިޑް ބަލި މީހުންގެ އިތުރުން އެހެނިހެން ބަލިމީހުންނަށް ފަރުވާދެނީ ބަލި މީހުންނަށް ޤުރްއާން އިއްވައިގެން ކަމަށް ޕާކިސްތާނުގެ ހޮސްޕިޓަލެއްގެ އައިސީޔޫގައި މަސައްކަތްކުރާ ޑޮކްޓަރެއް ބުނެފިއެވެ.
ޕާކިސްތާނުގެ ލާހޯރް ސަރވިސަސް ހޮސްޕިޓަލުގައި އައިސީޔޫގައި ފަރުވާދެމުންދާ ބަލިމީހުންނަށް ޝިފާއެއްގެ ގޮތުން ޤުރްއާން ޖެހުމަކީ އާންމުކޮށް އެ ހޮސްޕިޓަލުން ކުރަމުން އަންނަ ކަމެކެވެ. އެ ހޮސްޕިޓަލުގައި މަސައްކަތް ކުރާ ޑޮކްޓަރެއް ބުނި ގޮތުގައި އުންމީދު ކަނޑައިލާފައި ތިބޭ ބަލި މީހުންނަށް ވެސް ގުރްއާން ޖަހައިގެން ފަރުވާދޭން ފެށުމުން ޝިފާ ލިބެއެވެ.
ލާހޯރް ސަރވިސަސް ހޮސްޕިޓަލުގައި ފަރުވާ ދެމުން ދަނީ ސޫރަތުއްރަޙްމާން ޖަހައިގެންނެވެ. އެ ސޫރަތް ކޮންމެ ދުވަހެއްގެ ހެނދުނާ، މެންދުރާ އަދި ހަވީރު ވެސް އައިސީޔޫގައި ޖަހާކަމަށް ހޮސްޕިޓަލުން ބުނެއެވެ. އައިސީޔޫއިން ފަރުވާ ހޯދުމަށްފަހު ޝިފާ ލިބިގެން ނިކުންނަ ކޮންމެ މީހެއް ވެސް ބުނަނީ ހަމަ އެންމެ ވާހަކައެކެވެ. އެއީ ޤުރުއާން އަޑު އެހުމުން ހިތަށް ހަމަޖެހުން ލިބޭކަމެވެ. އަދި ބައްޔަށް ބޭސްކާ ފަދައިން ޤުރުއާނަކީ ވެސް ރަނގަޅު ފަރުވާއެއްކަމަށް އެންމެން ވެސް ބުނެއެވެ.
މުސްލިމުންގެ ދުސްތޫރު ، ޤުރުއާނަކީ ހުރިހައި ބައްޔެއްގެ ޝިފާއެއްގެ ގޮތުގައި ބާއްވައިލައްވާފައިވާ ފޮތެކެވެ. ކީރިތި ޤުރުއާނުގެ ހަމަ ކޮންމެ ސޫރަތަކީ ވެސް ބަލިތަކަށް އޮތް ޝިފާއެކެވެ. ޤުރުއާން އަޑުއަހައިގެން ހިތަށް ފިނިކަން ލިބެއެވެ. މިއީ އަޅުގަނޑުމެން އެންމެން ވެސް އިބުރަތް ހާސިލްކުރަންވީ ކަމެކެވެ. އަޅުގަނޑުމެން ފަދަ ސައްތައިން ސައްތަ މުސްލިމު ޤައުމެއްގައި ވެސް މިފަދަ މަންޒަރުތައް ފެންނަން ޖެހެއެވެ.
މިދުވަސްވަރު މިތަނާ ގުޅޭނީ ގެރީގެ ކޮންމެވެސް އެހީއެއް.
މި ޤައުމުގެ ހޮސްޕިޓަލްތަކަކު ތިފަދަ ދީނީ ކަންކަމަކަށް އެއްވެސް އަހައްމިއްޔަތުކަމެއްނުދޭނެ. ހުރިހާ ކަމެއްވެސް ކުރެވޭތޯ ބަލާނީ ކާފަރުން ކުރާގޮތަށް.
ހަގީޤަތުގަ މީ ސައްތައިންސައްތަ އިސްލާމީ ޤައުމަކަށްވީއިރު ކޮންމެ ކަމެއްގަވެސް އިސްލާމީ އުޞޫލުތަކަށް އިސްކަންދޭންޖެހޭ. އެގޮތުން ހޮސްޕުޓަލްތައްވެސް ހުންނަންޖެހޭނީ އެގޮތަށް އިންތިޒާމް ކުރެވިފަ. މަރަށް ހާޟިރުވެފައިވާ މީހާއަށް ޝާހާދަތް ލައިދިނުން، ކުއްޖަކު އުފަންވުމުން އެންމެ ފުރަތަމަ އެކުއްޖާގެ ކަންފަތަށް އިވޭ އަޑެއްގެ ގޮތުގަ ބަންގީގެ އަޑު ހެދުން. ފަދަ ދީނުގަ ޝަރުޢު ކުރެވިފައިވާ ކަންތައްތަކަށް ހޮސްޕިޓަލުންވެސް އަހައްމިއްޔަތުކަން ދޭންޖެހޭ. އަދި މީގެ އިތުރުން ޝިފާގެ އާޔަތްތައް ލިޔެފައިވާ ޕޯސްޓަރުތަކުން ވޯޑްތަކުގެ ބިތްތައް ޒީނަތްތެރިކުރުމާއި ވޯޑްތަކުގަ އެކަމަށް ޚާއްޞަ ދުއާ ފޮތްތައް ބެހެއްޓުމަކީވެސް ކުރެވިދާނެ ކަން. ތަނަވަސްކަންހުރި ފަރާތްތަކުން މިފަދަ ކަންކަމަށް ހޭދަކޮށްލުމަކީ ވަރަށް ފައިދާހުރި ކަމަކަށް ވެގެންދާނެ ކަމަށް ފެންނަނީ.
ﷲ ދެއްވި ޝިފާއެއް ޝިފާއެއް މެނުވީ މުސްލިމަކަށްވިޔަސް ކާފަރަކަށްވިޔަސް ހަމަ އެކަކަށްވެސް ނުލިބޭނެ.
ވަރަށް ރަނގަޅު ވާހަކައެއް
ތީވަރައްބޮޑުތެދުފުޅެއް މިގައުމު މިވަނީހަލާކުވުމުގެތެރޭގަ މިނުލަފާ ޔަހޫދީންނާ އިންޑިޔާގެ ބުދައް އަޅުކަންކުރާ މީހުންގެކިބައިން މިގައުމު ދަލާމަތްކުރައްވާންފެވެ އާމީން
މިތަނުގެ ވާހަކަ ދެއްކުމަށްވުރެން ރަނގަޅީނުދެއްކިއްޔާ. މާއިސްލާމީ ޤައުމެކޭ ބުނާތީވެސް ލަދުގަނޭ.
ކޮވިޑް ނުވަތަ އެނޫން ބަލިތަކަށްވެސް ސޫރަތުލް ފާތިޙާ (އަލްޙަމްދު) މަދުވެގެން 7 ފަހަރު ދުވާލަކު ދެއިރު މާމުއި ނުވަތަ ފެންފޮދަކަަށް ނަމަވެސް ކިޔަވާފަ ބުއިމަކީވެސް ޝިފާއެއް.
ބޭނުންވަނީ ޢަޒުމާއި ކެރުން އަދި ﷲއާމެދު އެމީހެއްގެ ހިތުގައި އޮންނަ ޔަޤީންކަން. ބަލިތަކަށް ޝިފާ ދެއްވަނީ ﷲކަން. އުއްމީދާއެކު ދުޢާކުރުން.