Tuesday, 17 November 2026
Advertisement
Ooredoo — Article-Top (leaderboard)
ޚަބަރު

މިޝްކާގެ މަރު: މިނިސްޓަރ ހާޒިރުކުރާ ކޮމިޓީ އަންނަަ ހަފުތާގައި

މިޝްކާގެ މަރު: މިނިސްޓަރ ހާޒިރުކުރާ ކޮމިޓީ އަންނަަ ހަފުތާގައި
ކޮވިޑް19ގައި ރާއްޖޭން ނިޔާވި އެންމެ ހަގު ކުއްޖާ އުމުރުން 10 އަހަރުގެ ފާތިމަތު މިޝްކާ މުޙައްމަދު ނިޔާވެފައި ވަނީ އިހްމާލުންކަމަށް ވުމުން އެމައްސަލައިގައި ރައްޔިތުންގެ މަޖިލީހުގެ ހިއުމަން ރައިޓްސް އެންޑް ޖެންޑާ ކޮމިޓީއިން ކުރިއަށްގެންދާ ތަހްގީގުގައި، އަންނަ ހަފްތާގައި ހެލްތު މިނިސްޓަރު އަހުމަދު ނަސީމް، އަނެއްކާ ވެސް ހާޒިރުކުރާނެ ކަމަށް އެ ކޮމިޓީގެ މުގައްރިރު އަދި ހިންނަވަރު ދާއިރާގެ މެމްބަރު ޖީހާން މަހްމޫދު މިއަދު ވިދާޅުވެއްޖެއެވެ. މިމައްސަލައިގައި ސުވާލު ކުރެއްވުމަށް މިނިސްޓަރ ނަސީމް ވަނީ މީގެ ކުރިން ވެސް އެކޮމިޓީއަށް ހާޒިރުކޮށްފައެވެ.

އެކަމާ ގުޅިގެން މީޑިޔާއަކަށް މައުލޫމާތު ދެއްވަމުން އެކޮމިޓީގެ މުގައްރިރު ޖީހާން ވިދާޅުވީ މިޝްކާގެ މަރުގެ މައްސަލައާ ގުޅިގެން އިތުރު ބައްދަލުވުމެއް އިއްޔެ ހަވީރު 4:00 ގައި ބާއްވަން ކޮމިޓީން ނިންމި ނަމަވެސް ކޮމިޓީގެ މަސައްކަތްތައް ހުރި ގޮތުން ބައްދަލުވުން ނުބޭއްވުމުން ކުރިއަށް އޮތް ހަފްތާއަށް މިނިސްޓަރު ހާޒިރުކުރާ ގޮތަށް ބައްދަލުވުމެއް ތާވަލު ކުރާނެ ކަމަށެވެ. އެކަމަކު ބައްދަލުވުން ބާއްވާނެ ދުވަހާއި ގަޑިއެއް ނިންމާނީ އާދިއްތަ ދުވަހު ކަމަށް ވެސް އޭނާ ވިދާޅުވިއެވެ.

އުމުރުން 10 އަހަރުގެ ފާތިމަތު މިޝްކާ މުޙައްމަދު ނިޔާވުމުގައި އިހުމާލު އެބައޮތް ކަމަށް ގަބޫލު ކުރައްވާ ކަމަށާއި، އިހުމާލުވާ ފަރާތްތަކަށް ފިޔަވަޅު އަޅާނެ ކަމަށް ހެލްތު މިނިސްޓަރ އަހްމަދު ނަސީމް ވަނީ މީގެ ކުރިން ވިދާޅުވެފައެވެ.މިނިސްޓަރ ނަސީމް ވިދާޅުވީ މިޝްކާ ނިޔާވުމުގައި ހެލްތު މިނިސްޓްރީގެ އިހުމާލު އޮތް ކަމަށާއި މި މައްސަލަ ވަރަށް ގާތުން ބައްލަވަމުންދާ ކަމަށެވެ.

ކޮވިޑް19ގެ ސަބަބުން ހާލުބޮޑުވެ އައިޖީއެމްއެޗްގެ އެމާޖެންސީއަށް ގެންގޮސް ފަރުވާ ދެނިކޮށް މިޝްކާ މަރުވެފައި ވަނީ ޖޫންމަހުގެ 1 ވަނަދުވަހުގެ ރޭ ދަންވަރު 12:10 ގައެވެ. ހޮސްޕިޓަލަށް ގެންދިޔައިރު ވެސް މިޝްކާގެ ހެއެއް ނެތެވެ.

Advertisement
Ooredoo — Truecaller (box)
ހޮސްޕިޓަލަށް މިޝްކާ ގެންދަން އެމްބިއުލާސް ދިއުން ލަސްވެ އެތައް ވަގުތެއް ހޭދަ ކުރަން ޖެހުނުކަމަށް އާއިލާއިން ބުނެއެވެ. އެމްބިއުލާންސް ގޮސްފައި ވަނީ އެކަމަށް އެދި ގުޅިތާ ދެ ގަޑިއިރަށް ވުރެ ގިނައިރުވީ ފަހުން ކަމަށް ވެސް އާއިލާއިން ވަނީ ބުނެފައެވެ.

ރިއެކްޝަން

Advertisement
Ooredoo — Square (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.