މީދޫ މޮނީޓަރިންގެ ހާލަތުން ނަގައިފި
ކޮވިޑް-19ގެ ހާލަތާ ގުޅިގެން ރ. މީދުއަށް އަރައި ފޭބުން މަނާ ކޮށްފައި އޮތް އޮތުން ނިމުމަކަށް ގެނެސް، އެ ރަށް އާންމު ހާލަތަށް ގެނެސްފިއެވެ.
މީދޫ މޮނީޓަރިންއަށް ލީ ކަރަންޓީނުގައި ނެތް ދެ މީހަކު ކޮވިޑް-19އަށް ފައްސިވުމާ ގުޅިގެން މި މަހުގެ 2ވަނަ ދުވަހެވެ. އޭރު ފައްސިވި ދެ މީހުންނަކީ ކަރަންޓީނުގައި ހުއްޓާ ފައްސިވި ފަރާތަކާ ގާތުން ބައްދަލުވި ދެ މީހުން ކަމަށް މައުލޫމާތު ލިބެއެވެ.
އޭގެ ފަހުން ރ. މީދޫއިން ނެގި 59 ރެންޑަމް ސާމްޕަލްތަކުގެ އެއް ސާމްޕަލް ވަނީ ކޮވިޑް-19އަށް ފައްސިވެފައެވެ. ރެންޑަމް ސާމްޕަލްތަކުގެ ތެރެއިން ފައްސިވި ފަރާތާ ގާތުން ބައްދަލުވި މީހެއްގެ ކިބައިން ކޮވިޑްގެ އަލާމާތްތައް ފެންނާތީ ނެގި ސާމްޕަލެއް ވެސް ވަނީ މި ބައްޔަށް ފައްސިވެފައެވެ. އަދި އޭގެ ފަހުން އެ ގޭގައި ދިރިއުޅޭ އިތުރު ދެ މީހަކު ވެސް ވަނީ މި ބައްޔަށް ފައްސިވެފައެވެ.
މީދޫ މޮނީޓަރިންގެ ހާލަތުން ނަގައިފައި މިވަނީ އެ ރަށުން ނެގި 104 ނައްސިވުމުންނެވެ.
