8 އަހަރުގެ ކުއްޖަކަށް ޖިންސީ ގޯނާ ކުރިކަމުގެ މައްސަލައިގައި ބިދޭސީއަކު ޝަރީއަތް ނިމެންދެން ބަންދަށް

އުމުރުން 8 އަހަރުގެ ކުއްޖަކަށް ޖިންސީ ގޯނާ ކުރިކަމުގެ މައްސަލައިގައި ހައްޔަރުކުރި ބިދޭސީއަކު ޝަރީއަތް ނިމެންދެން ބަންދު ކުރަން ކޯޓުން އަމުރުކޮށްފިއެވެ.

Ads by STELCO

ދެކުނުގެ ރަށެއްގައި ހިނގި މި ހާދިސާ ފުލުހުންނަށް ހުށަހަޅައިފައި ވަނީ މި މަހުގެ 24 ވީ ބުރާސްފަތި ދުވަހުގައެވެ. އަދި މި މައްސަލައިގައި މިދިޔަ ހުކުރު ދުވަހު އުމުރުން 33 އަހަރުގެ ބަނގްލަދޭޝް ރައްޔިތަކު ފުލުހުން ވަނީ ހައްޔަރު ކޮށްފައެވެ.

އޭނަގެ ބަންދާ މެދު އެ ދުވަހު ގޮތެއް ނިންމުމަަށް ހާޒިރު ކުރުމުން ކޯޓުން ފުރަތަމަ އަމުރު ކުރީ 24 ގަޑިއިރަށް އެ މީހާ ބަންދުގައި ބެހެއްޓުމަށެވެ.

އެ މުއްދަތު ހަމަވުމުން އަނެއްކާ ވެސް ކޯޓަށް ހާޒިރު ކުރުމުން، ޝަރީއަތް ނިމެންދެން އެ ބިދޭސީ މީހާ ހައްޔަރު ކޮށްފައި ބެހެއްޓުމަށް ކޯޓުން ނިންމި ކަމަށް ފުލުހުންގެ މީޑިއާ އޮފިޝަލަކު ވިދާޅުވިއެވެ.