ރައީސް ނަޝީދު އަވަހާރަކޮށްލަން 3 މިލިއަން ޑޮލަރު ހުށައެޅި: މޭ ހައެއް ކޮމިޓީ
މިދިޔަ މެއި މަހުގެ 6 ވަނަ ދުވަހުގެ ރޭ ރައްޔިތުންގެ މަޖިލީހުގެ ރައީސް މުހައްމަދު ނަޝީދު އަވަހާރަކޮށްލަން ދިން ޓެރަރިސްޓް ހަމަލާ ދިނުމަށް 3 މިލިއަން ޑޮލަރު ހުށައަޅާފައިވާކަމަށް އެ ހަމަލާއާ ގުޅުން ހުރި ކަންކަން ތަހްގީގު ކުރުމަށް އުފެއްދި އެމްޑީޕީގެ "މެއި ހައެއް" ކޮމިޓީން ބުނެފިއެވެ.
އެމްޑީޕީގެ ގައުމީ މަޖިލީހުގެ ޖަލްސާގައި ، ރައީސް ނަޝީދަށް ދިން ހަމަލާއާ ބެހޭ މައުލޫމާތު ހިއްސާ ކުރައްވަމުން ކޮމިޓީގެ މުޤައްރިރު، އަދި ވިލުފުށީ ދާއިރާގެ މެމްބަރު ޙަސަން ޢަފީފު ވިދާޅުވީ، މެއި 3 ވަނަ ދުވަހުގެރޭ އިލްޔާސް ލަބީބަށް މީހަކު ގުޅައި ވަރަށް މުހިއްމު ކަމަށް ބުނެ ބައްދަލުކުރަން އެދުނު ކަމަށާއި، އެ މީހާއާ ބައްދަލު ކުރުމުން، ރައީސް ނަޝީދު އަވަހާރަކޮށްލުމަށް 3 މިލިއަން ޑޮލަރުގެ ޓާސްކެއް ބަޔަކާ ހަވާލުކޮށްފައިވާ ކަމުގެ މައުލޫމާތު އެ މީހާ މެމްބަރު އިލްޔާސް ލަބީބާ ހިއްސާކޮށްފައިވާ ކަމަށެވެ. އަދި އޭރު ކުރިއަށްދަނީ އެޑްވާންސް ޕޭމަންޓްގެ ކަންކަން ކަމަށް އެ މީހާ ބުނެފައިވާކަމަށް ވެސް އަަފީފް ވިދާޅުވިއެވެ.
"ކިހިނެއްތޯ މިކަންތައްތައް ކުރާނީ އިލްޔާސް ގާތު އޭނަ އެހި. އޭނަ ބުނި ގޮތުގައި އެކަންތައްތައް ކުރިއަށް ގެންދިޔުމަށް ރާވާފައިވާ ގޮތަކީ ހަރުކަށި ފިކުރުގެ މީހުން ބްރެއިންވޮޝްކޮށް އެމީހުން ލައްވައި އެކަން ކުރުވުން." މިރޭގެ ބައްދަލުވުމުގައި މެމްބަރު އަފީފު ވިދާޅުވިއެވެ.
އަފީފު ވިދާޅުވީ އެ މައުލޫމާތު ލިބުނު ރޭ އެމައުލޫމާތު ރައީސް ނަޝީދާ ހިއްސާކޮށްފައިވާ ކަމަށާއި އެ މައުލޫމާތު ޑިފެންސް މިނިސްޓަރ މާރިޔާ އަހުމަދު ދީދީއަށް ގުޅުއްވުމަށް ރައީސް ނަޝީދު އެދިވަޑައިގެންނެވުމުން މާރިޔާއާ ގުޅުއްވިކަމަށް އިލްޔާސް ލަބީބު ވިދާޅުވެފައިވާކަމަށެވެ. އެހެން ނަމަވެސް އެރޭ މިނިސްޓަރ މާރިޔާ ފޯނަށް ޖަވާބު ދެއްވާފައި ނުވުމުން އެމައުލޫމާތު މިނިސްޓަރާ ހިއްސާ ކުރެއްވުނީ ޖެހިގެން އައި ދުވަހު (މެއި4 ވަނަ ދުވަހު) ކަމަށް އިލްޔާސް ވިދާޅުވެފައިވާކަމަށް އަފީފް ވިދާޅުވިއެވެ. އެ މައުލޫމާތު މިނިސްޓަރ މާރިޔާއާ ހިއްސާ ކުރެއްވުމުން ރައީސް ނަޝީދުގެ ސެކިއުރިޓީ ހުރީ އެންމެ މަތީ ލެވެލްގައި ކަމަށް މިނިސްޓަރު ވިދާޅުވެފައިވާކަމަށް ވެސް އެ ކޮމިޓީން މިރޭ ވަނީ ވިދާޅުވެފައެވެ.
މީގެ އިތުރުން ވެސް މެއި ހައެެއް ކޮމިޓީން ކުރިއަށް ގެންދާ ތަހުގީގުގައި މިދިޔަ ޖޫން މަހުގެ 27 ވަނަ ދުވަހު މިނިސްޓްރީއާ ބައްދަލުކުރި ކަމަށާއި، ރައީސްކަން ކޮށްފައިވާ ބޭފުޅުންނަށް ސެކިއުރިޓީ ދޭން އޮންނަ އުސޫލުގެ ތެރެއިން ދެމުން އައި ކަމަށް މިނިސްޓަރ ވިދާޅުވި ކަމަށް ޢަފީފު ވިދާޅުވިއެވެ. މީގެ އިތުރުން ވެސް މި ހަމަލާގެ ތަހްގީގުގައި އެ ކޮމިޓީން ވަނީ ހިޔުމަން ރަައިޓްސް ކޮމިޝަނާ ވެސް ބައްދަލުކޮށްފައި ކަމަށް އެ ކޮމިޓީން މައުލޫމާތު ދެއްވިއެވެ.
ރައީސް ނަޝީދު އަވަހާރަކޮށްލަން ދިން ޓެރަރިސްޓް ހަމަލާގެ ތަހުގީގަށް 8 މީހަކު ހައްޔަރު ކޮށްފައިވާއިރު މައްސަލައާ ގުޅުން ހުރީ 5 މީހުންކަމަށް މައުލޫމާތުލިބެއެވެ.
އެބުނާ މީހާއަކީ ޖިންނިއެއްބާ؟
އެހެންވީއިރ ފަންޑުކުރިމީހުންއެގޭނެތާ