ހައިކޯޓުގެ ފަނޑިޔާރުން ފަނޑިޔާރުކަމަށް ކުފޫ ހަމައެއް ނުވޭ: ގާޒީ ހައިލަމް
ބަލަމުންދާ މައްސަލަ ނޫން މައްސަލައެއްގެ ހެކިންނަށް ނުފޫޒު ފޯރުވިކަމަަށް ހެކި ލިބިފައިވާ ނަމަ، ބަލަމުންދާ މައްސަލައިގެ ހެކިންނަށް ނުފޫޒު ފޯރުވުމުގެ އިޙްތިމާލު އޮންނާނެކަން ހައިކޯޓުގެ ފަނޑިޔާރުންނަށް ނޭނގުމުން އެކަމުން އެނގެނީ އެބޭފުޅުން ފަނޑިޔާރުކަމަށް ކުފޫ ހަމަނުވާކަން ކަމަށް ގާޒީ އަހުމަދު ހައިލަމް ވިދާޅުވެއްޖެއެވެ.
ގާޒީ ހަައިލަމް މިހެން ވިދާޅުވެފައި ވަނީ ރައީސް ޔާމީން ޝަރީއަތް ނިމެންދެން ބަންދުކުރަން ނިންމި ސަބަބާ ބެހޭ ގޮތުން ޓްވިޓާގައި ވާހަކަދައްކަމުންނެވެ.. އޭނާ ވަނީ ރައީސް ޔާމީން ޝަރީއަތް ނިމެންދެން ބަންދު ކުރި ސަބަބު ޓްވިޓާގައި ކިޔައި ދެއްވައިފައެވެ.
މިގޮތުން ކުރީގެ ރައީސް ޔާމީން ޝަރީޢަތް ނިމެންދެން ބަންދުކުރަން ނިންމީ، އެމްއެމްޕީއާރުސީގެ ތަޙްޤީޤުގައި ހިމެނޭ ހެއްކަކަށް 7 ލައްކަ ރުފިޔާ ރިޝްވަތުގެ ގޮތުގައި ހުށަހަޅައި އޭނާގެ ބަޔާން ބަދަލުކުރުމަށް ނުފޫޒު ފޯރުވަމުންދާކަމަށް ބުނެ ދައުލަތުން ހެކި ހުށަހަޅައިފައި ވާތީ ކަމަށް ހައިލަމް ވަނީ ވިދާޅުވެފައެވެ. އަދި ކުރީގެ ރައީސް ޔާމީން ބަންދުކުރުމަށް ނިންމި ފަހުން ރިޝްވަތު ހުށަހެޅުނުކަމަށް ބުނާ ފަރާތުން ވަނީ އެފަރާތުގެ ބަޔާން ބަދަލުކޮށްފައި ކަމަށާއި އޭގެ އިތުރުން އެފްއައިޔޫއިން ތައްޔާރުކޮށްފައިވާ އެސްޓީއާރުތަކެއް ނައްތައިލުމަށް އެމްއެމްއޭގެ ގަވަރުނަަރު މެދުވެރިކޮށް އެފްއައިޔޫގެ އެކްޓިން ހެޑަށް ކުރީގެ ރައީސް ޔާމީން ނުފޫޒު ފޯރުވާކަމަށް ބުނެ ދައުލަތުން އެކަމާ ގުޅޭ ހެކި ހުށަހެޅުމަކީ ވެސް ޝަރީއަތް ނިމެންދެން ކުރީގެ ރައީސް ޔާމިން ބަންދު ކުރަން ނިންމި ސަބަބެއް ކަމަށް ހައިލަމް ވިދާޅުވިއެވެ.
"އެމްއެމްޕީއާރުސީގެ ތަޙްޤީޤުގައި ހިމެނޭ ހެއްކަކަށް 7 ލައްކަ ރުފިޔާ ރިޝްވަތުގެ ގޮތުގައި ހުށަހަޅައި އޭނާގެ ބަޔާން ބަދަލުކުރުމަށް ނުފޫޒު ފޯރުވަމުންދާކަމަށް ބުނެ ދައުލަތުން ހެކި ހުށަހަޅާފައިވާތީ.އަދި ބަންދުކުރުމަށް ނިންމި ފަހުން ރިޝްވަތު ހުށަހެޅުނުކަމަށް ބުނާ ފަރާތުން ވަނީ އެފަރާތުގެ ބަޔާން ބަދަލުކޮށްފައި. އޭގެއިތުރުން އެފްއައިޔޫއިން ތައްޔާރުކޮށްފައިވާ އެސްޓީއާރުތަކެއް ނައްތާލުމަށް އެމްއެމްއޭގެ ގަވަރުނަަރު މެދުވެރިކޮށް އެފްއައިޔޫގެ އެކްޓިން ހެޑަށް ރައީސް ޔާމީން ނުފޫޒު ފޯރުވާކަމަށް ބުނެ ދައުލަތުން އެކަމާގުޅޭ ހެކި ހުށަހެޅުމުން ޝަރީޢަތް ނިމެންދެން ބަންދު ކުރެވުނީ." ހަައިލަމް ވިދާޅުވިއެވެ.
މީގެ އިތުރުން ވެސް ހައިލަމް ވިދާޅުވީ ކުރީގެ ރައީސް ޔާމީން ބަންދުގައި ބަހައްޓަން ހައިލަމް ނިންމި ނިމުން ބާތިލްކަމަށް ހައިކޯޓުން ނިންމީ ކުރީގެ ރައީސް ޔާމީން ނުފޫޒު ފޯރުވި ކަމަށް ބުނި ހެއްކަކީ އެވަގުތު ގާޒީ ހައިލަމް ބައްލަވަމުން ގެންދިޔަ މައްސަލަ ނޫން އެހެން މައްސަލައެއްގެ ހެއްކަކަށްވުމުން ކަމަށެވެ.
"އަޅުގަނޑުގެ ނިންމުން ބާޠިލުކުރުމުގައި ހައިކޯޓުގެ މައިގަނޑު ވާހަކައަކަށް ވެފައި އޮތީ، ރައީސް ޔާމީން ނުފޫޒު ފޯރުވިކަމަށް ބުނަނީ އަޅުގަނޑު ބަލަމުންދިޔަ.މައްސަލައިގެ ހެއްކަކަށް ނޫނޭ. އެހެން މައްސަލައެއްގެ ހެކިންނަށް ނުފޫޒު ފޯރުވިކަމަަށް ހެކި ލިބިފައިވާ ނަމަ، ބަލަމުންދާ މައްސަލައިގެ ހެކިންނަށް ނުފޫޒު ފޯރުވުމުގެ އިޙްތިމާލު އޮންނާނެކަން ހައިކޯޓުގެ ފަނޑިޔާރުންނަށް ނޭނގުމަކީ އަޅުގަނޑުގެ މައްސަލައެއް ނޫން. އެކަމުން އެނގެނީ އެބޭފުޅުން ފަނޑިޔާރުކަމަށް ކުފޫހަމަނުވާކަން." ހައިލަމް ވިދާޅުވިއެވެ.
ހައިލަމް މިހެން ވިދާޅުވެފައި ވަނީ އޮންލައިން މީޑިޔާއެއްގައި ކުރީގެ ރައީސް ޔާމީންގެ ޝަރީއަތާ ގުޅޭ ގޮތުން ލިޔެފައިވާ އާޓިކަލްއަކާ ގުޅުވައިގެންނެވެ.
ރައީސް ޔާމީންގެ ޝަރީޢަތާ މެދު އިދިކޮޅުން ވަނީ ގިނަ ކަންބޮޑުވުންތަކެއް ފާޅުކޮށްފައެވެ. އެ ގޮތުން ހުކުމް އިއްވަން މަދު ގަޑިއިރުކޮޅަކަށް ވެފައި ވަނިކޮށް ސުލޫކީ މައްސަލައެއް ކަމަށް ބުނެ މައްސަލަ ބެއްލެވި އިސް ގާޒީ ، ހައިލަމް މަގާމުން ވަކި ކުރުމާއި އޭގެ ފަހުން އެ މަގާމަށް އިސްކުރި ޢަލީ ރަޝީދުގެ ސުލޫކީ މައްސަލައެއް އޮތް ނަމަވެސް އެކަން ނުބަލައި ހުކުމް ކުރުމާއި ހުކުމަށް ފަހު އިނާމެއްގެ ގޮތުން އޭނާއަށް ސްޕްރީމް ކޯޓްގެ ފަނޑިޔާރުކަން ދީފައިވާކަން އިދިކޮޅުން ފާހަގަ ކުރެއެވެ.
Ads by STO
