ބިންދައިގެން ދިޔަ ދޯނީގައި 25 މަސްވެރިން ތިބި!

ކަނޑުމެދަށް މިއަދު ހެނދުނު ބިންދައިގެން ދިޔަ "މޯހިރި" ނަމަކަށް ކިޔާ ދޯނީގައި 25 މަސްވެރިން ތިބި ކަމަށް އެމްއެންޑީއެފްއިން ވިދާޅުވެއްޖެއެވެ.

Ads by Hajj Corporation

އެމްއެންޑީއެފްގެ ތަރުޖަމާނު މޭޖަރ އިބްރާހިމް އާޒިމް ވިދާޅުވި ގޮތުގައި ބިންދައިގެން ގޮސްފައި ވަނީ، ގއ. ދެއްވަދޫގެ އުތުރުން 8.95 ނޯޓިކަލް މޭލު ބޭރުން، 25 މީހުންނާ އެކު ދަތުރު ކުރި ފައިބަރު ދޯންޏެކެވެ.

އެ ދޯނީގެ މެދުން ބިންދައިގެން ގޮސްގެން އެމްއެންޑީއެފް އެސްއޭ، ކޯސްޓްގާޑް ސްކޮޑްރަނުން ހަރަކާތްތެރިވަމުން ދާ ކަމަށް ވެސް އެމްއެންޑީއެފުން ބުނެފައިވެއެވެ.

މި ހާދިސާގެ ރިޕޯޓު ލިބިފައި ވަނީ މިއަދު ހެނދުނު 7:11 ހާއިރެވެ.

މިހާތަނަށް އެނގިފައިވާ ގޮތުގައި މި ހާދިސާގައި އެއްވެސް މީހަކަށް އަނިޔާއެއް ވެފައެއް ނުވެއެވެ.