މާލެއިން މިއަދު ފައްސިވީ 11 މީހުން!

ރާއްޖެއިން މިއަދު އިތުރު 150 މީހުން ކޮވިޑް-19 އަށް ފައްސި ވެެއްޖެ ކަމަށް ހެލްތު ޕްރޮޓެކްޝަން އޭޖެންސީ (އެޗްޕީއޭ)ގެ ތަފާސް ހިސާބުތަކުން ދައްކައިފިއެވެ.

Ads by STELCO

އެޗްޕީއޭގެ ހިސާބުތަކުން ދައްކާ ގޮތުގައި މިއަދު މާލެއިން ފައްސިވީ 11 މީހުންނެވެ. އަތޮޅުތެރެއިން މި ބައްޔަށް ފައްސިވީ 95 މީހުންނެވެ. އަދި ހިންގަމުން އަންނަ ރިސޯޓުތަކުން ފައްސިވީ އިތުރު 17 މީހަކާއި ތަރައްޤީ ކުރަމުން އަންނަ ރަށްރަށުން 7 މީހެއްގެ އިތުރުން އިންޑަސްޓްރިއަލް ރަށްރަށުން 20 މީހަކު ވެސް ފައްސި ވެފައިވާ ކަމަށް ހިސާބުތަކުން ދައްކައެވެ.

މިހާރު ރާއްޖެއިން ކޮވިޑް-19އަށް މުޅިއަކު ފައްސިވެފައި ވަނީ 74،224 މީހުންނެވެ.

ބަލިން ފަސޭހަވެފައި ވަނީ 70،723 މީހުންނެވެ. އަދި މި ބަލީގައި ރާއްޖެއިން މިހާތަނަށް 213 މީހުން ނިޔާވެފައިވެއެވެ.