ޕީޕީއެމުން ފެނިދާނެތޯ ކުރި ސުވާލަށް މަހުލޫފް ޖަވާބެއް ނުދެއްވި!
މަގާމުގެ މަސްޢޫލިއްޔަތުން އެކަހެރިކޮށްފައި ހުރި ޔޫތު މިނިސްޓަރ އަހުމަދު މަހުލޫފު ، ކުރިއަށް އޮތް ތަނުގައި އިދިކޮޅު ޕީޕީއެމުން ފެނިދާނެތޯ ކުރި ސުވާލަށް ޖަވާބެއް ނުދެއްވިއެވެ.
ކްލަބު ހައުސްގައި މިރޭ ކުރިއަަށް ދިޔަ ފޯރަމެއްގައި މިނިސްޓަރ މަހުލޫފާ އެ ސުވާލު ކުރެއްވީ ޕީޕީއެމްގެ ކައުންސިލް މެމްބަރު ޒާހިދު ރަމީޒެވެ.
ޒާހިދުގެ ސުވާލަށް ސީދާ ޖަވާބެއް ދެއްވުމުގެ ބަދަލުގައި މިނިސްޓަރ ވިދާޅުވީ އޭނާ ދެކެ ޒާހިދު ވަރަށް ލޯބިވާނެ ކަމަށާއި ޒާހިދު އޭނާގެ މަތިން މާބޮޑަށް މިސް ވަނީ ކަމަށެވެ.
މިރޭގެ ފޯރަމްގައި މިނިސްޓަރ މަހުލޫފު ވަނީ ވަރަށް ގިނަ ބައެެއްގެ ސުވާލުތަކަަށް ޖަވާބު ދެއްވައިފައެވެ. އޭނާ އެންމެ ބޮޑަށް ފާހަގަ ކުރެއްވީ އެމްއެމްޕީއާރްސީގެ ޚިޔާނާތުގައި ބައިވެރިވާ މީހުން ކަމަށް ބުނާ ލިސްޓްގައި އެތައް ބައެއްގެ ނަން އޮތް އިރު މައްސަލަ ބެލުމުގެ ބަދަލުގައި އޭނާ މަސްޢޫލިއްޔަތުތަކުން އެކަހެރި ކުރައްވާ މައްސަލައެވެ. މީގެ އިތުރުން މަގާމުގެ މަސްޢޫލިއްޔަތު އަދާ ކުރުމުގައި ވަކި ޕާޓީއަކަށް ނުބައްލަވާނެ ކަމަށް މި ފޯރަމްގައި މަހުލޫފް ތަކުރާރު ކުރެއްވިއެވެ. ހަމައެހެންމެ އެމްޑީޕީގެ ހުރިހާ ސިޔާސަތުތަކަކީ އޭނާއަށް ކަމުދާ ސިޔާސަތުތަކެެއް ނޫން ކަމަށް ވެސް އޭނާ ވިދާޅުވިއެވެ.
މަހުލޫފަކީ ޑީއާރުޕީގެ ތެރެއިން ސިޔާސީ ދާއިރާއަށް ތައާރަފްވި ބޭފުޅެކެވެ. އޭގެ ފަހުން ޑީއާރްޕީ ބައިބައިވެ ޕީޕީއެމް އުފެއްދުމުގެ ތެރެއިންނާއި އެ ޕާޓީގެ އިސް ސަފުން އޭނާ ފެނިގެން ދިޔައެވެ. މަހުލޫފް މިހާރު ނިސްބަތްވާ އެމްޑީޕީގެ އެތެރޭގެ އިންތިޚާބަށް ވެސް އޭނާ ވަނީ ކުރިމަތިލައްވައިފައެވެ.
އެމްއެމްޕީއާރްސީގެ ޚިޔާނާތުގެ މައްސަލައިގައި މަސްޢޫލިއްޔަތުތަކުން އެކަހެރިކޮށްފައި ހުރި މަހުލޫފް މީގެ ކުރީން ވެސް ވަނީ ހަމަ އެ މައްސަލައިގައި މަގާމުން އެކަހެރި ކޮށްފައެވެ. އޭނާ ވިދާޅުވެފައި ވަނީ އަބަދު އަނގަލައްޕައިގެން ނުހުރެވޭނެ ކަމަށާއި ވަރުބަލިވެއްޖެ ކަމަށެވެ.
ޥަރަށް ފޫހި . ޙުރިހާ ޕާޓީ އެއްގަ ހޭކެމުން ދުވާ ސޮރެއް. މީ އަލްހާނު އާޖެހުނު އަނެކަކު. ބޮޑާހާކާފަ ޕޕ އިން ނިކުތީ . މުޅި އޮޑީގަ ކޮންމެވެސް އެއްޗެއް.ހުންނަ އެއް ޕާޓީގަ ހުންނަން ނޭގޭ. ޢޮޑި ފެތޭހެން ހީވާ އިރަށް ކަނޑަށް ފުންމާލާމީހުން ކަމަކުނުދޭ .