އަޝްމަލީ ފައިސާ ދެއްކީ އޮއިލް މަސާޖަކަށް: ވަކީލު
ސްރީލަންކާގެ މައުންޓް ލެވީނިއާ ސަރަހައްދުގައި އުމުރުން 15 އަހަރުގެ އަންހެން ކުއްޖަކު ލައްވާ ހަށި ވިއްކުވި މައްސަލައެއްގައި ހައްޔަރުކުރި ފިނޭންސް މިނިސްޓްރީގެ ކުރީގެ ސްޓޭޓް މިނިސްޓަރު މުހައްމަދު އަޝްމަލީ ބުކިން ހެއްދީ ވެބްސައިޓަކުން އިސްތިހާރެއް ފެނިގެން އޮއިލް މަސާޖެއް ކުރައްވަން ކަމަށް އަޝްމަލީ ދިފާއު ކުރައްވާ ވަކީލް ވިދާޅުވެއްޖެއެވެ.
އަޝްމަލީގެ ވަކީލް ވިދާޅުވީ ބުކިން ހެއްދިއިރު އެއީ ކުޑަ ކުއްޖެއްކަން ނޭނގޭ ކަމަށެވެ. އޭނާ ބަންދުގެ މުއްދަތު ޖެހުމަށް ކޯޓަށް ހާޒިރުކޮށްފައި ވަނީ އިއްޔެ މެންދުރު ފަހުގެ ވަގުތެއްގައެވެ. މި މައްސަލައިގައި އޭނާގެ ބަންދަށް 10 ދުވަސް ޖަހައިފައިވެއެވެ. އޭނާ ހައްޔަރު ކޮށްފައި ވަނީ އެގައުމުގެ ކުޑަކުދިން ހިމާޔާތް ކުރުމުގެ ގާނޫނުގެ ދަށުން ކަމަށް ވާތީ އޭނާއަށް ކަފާލާތް ވެސް ނުދޭނެ ކަމަށް ލަންކާގެ ނޫސްތަކުން ވަނީ ރިޕޯޓުކޮށްފައެވެ.
ލަންކާގެ ފުލުހުން ބުނެފައިވާ ގޮތުގައި މިހާތަނަށް ތަހްގީގަށް ފާހަގަ ކުރެވިފައިވާ ގޮތުގައި ކުއްޖާ ލައްވާ ހަށި ވިއްކަމުން ގެންދާތާ މިހާރު ތިން މަހެއްހާ ދުވަސް ވެއްޖެއެވެ.
ލަންކާގެ މީޑިއާތަކުން ރިޕޯޓުކޮށްފައިވާ ގޮތުގައި އޭނާއަށް ކަފާލާތު ވެސް ނުދޭ ގޮތަށް ނިންމައިފައިވަނީ އޭނާ ހައްޔަރު ކޮށްފައި ވަނީ އެގައުމުގެ ކުޑަކުދިން ހިމާޔާތް ކުރުމުގެ ގާނޫނުގެ ދަށުން ކަމަށް ވާތީއެވެ.
މީގެ އިތުރުން ލަންކާގެ މީޑިއާތަކުން ރިޕޯޓު ކޮށްފައިވާ ގޮތުގައި އަޝްމަލީ ހައްޔަރު ކޮށްފައި ވަނީ، އިންޓަރނެޓު މެދުވެރިކޮށް އެ އަންހެން ކުއްޖާއާ ޖިންސީ މުއާމަލާތްތަކެއް ކުރުމުގެ ތުހުމަތުގައި ކަމަށް ފުލުހުންގެ މީޑިއާ އޮފިޝަލް އަޖިތު ރޯހާނާ ހާމަ ކޮށްފައި ވެއެވެ.
އޭނާ ހައްޔަރު ކޮށްފައި ވަނީ، މިދިޔަ އާދިއްތަ ދުވަހު ހެނދުނު 9:20 ހާއިރު، އޭނާ ދިރިއުޅޭ ގެއިން ކަމަށް ލަންކާ ފުލުހުން މައުލޫމާތު ދެއެވެ.
އަޝްމަލީ ހައްޔަރު ކުރީ ކުއްޖާއާ ޖިންސީ ގުޅުން ހިންގަން ދިޔަ ކަސްޓަަމަރެއް ކަމަށް ތުހުމަތު ކުރެވިގެން ކަމަށާއި އޭނާއަކީ ނެޓްވޯކަށް އެހީތެރިވި މީހެއް ކަމަށް ތުހުމަތު ކުރެވޭ ކަމަށް ވެސް ލަންކާގެ ފުލުހުން ބުނެފައިވެއެވެ.
އޮއިލްމަސާޖަކަށް ލާރިދައްކާފަ މަސާޖުކުރަން އައީމަ ރޭޕް ކޮއްލީ އުތަ.