Friday, 20 November 2026
Advertisement
STO — McCoy (leaderboard)
ޚަބަރު

އިންކުއަރީ ރިޕޯޓު ވަރަށް ފުރިހަމަ: ރައީސް ނަޝީދު

އިންކުއަރީ ރިޕޯޓު ވަރަށް ފުރިހަމަ: ރައީސް ނަޝީދު

މިދިޔަ މެއި މަހުގެ 6 ވަނަ ދުވަހު ކުރީގެ ރައީސް އަދި ރައްޔިތުންގެ މަޖިލީހުގެ މިހާރުގެ ރައީސް މުޙައްމަދު ނަޝީދަށް އަމާޒުކޮށްގެން ދިން ނިރުބަވެރި ހަމަލާއާ ގުޅިގެން ރައްޔިތުންގެ މަޖިލީހުގެ 241 ކޮމިޓީން ކުރިއަށް ގެންދިޔަ އިންކުއަރީ ރިޕޯޓު ވަރަށް ފުރިހަމަ ކަމަށް ރައީސް ނަޝީދު ވިދާޅުވެއްޖެއެވެ.

އެމަނިކުފާނު ކުރެއްވި ޓްވީޓެއްގައި ވިދާޅުވީ ރައްޔިތުންގެ މަޖިލީހުގެ 241 ކޮމިޓީގެ އިންކުއަރީ ރިޕޯޓަކީ މި ފަހުން މަޖިލީހުން އެކުލަވައިލަމުން ގެންދާ ރިޕޯޓުތަކުގެ ތެރެއިން ވެސް ވަރަށް ފުރިހަމަ ރިޕޯޓެއް ކަމަށެވެ. ރައީސް ނަޝީދު ވަނީ ކޮމިޓީގެ މުގައްރިރާއި މެމްބަރުންނަށް ވެސް ޝުކުރު އަދާކުރައްވައިފައެވެ.

https://twitter.com/mohamednasheed/status/1413415355041468420?s=21

Advertisement
Allied — Dhen Online (box)

ރައްޔިތުންގެ މަޖިލީހުގެ ރައީސަށް ދެމުން ގެންދާ ސަލާމަތާއި ރައްކާތެރިކަން ބްރީޗްވިގޮތް ހޯދުމަށް މަޖިލީހުގެ 241 ކޮމިޓީން ކުރިއަށް ގެންދިޔަ ޕާލަމެންޓަރީ އިންކުއަރީ އިއްޔެ އާންމުކުރިއިރު އެ ރިޕޯޓުގައި ރައީސް ނަޝީދަށް ޙަމަލާދިން ގޮތް ހިމެނުމުގެ ގޮތުން އެމަނިކުފާނުގެ ޕްރޮފައިލަކާއި، ތްރެޓް ލެވަލް އޮތް މިންވަރުގެ އިތުރުން ތްރެޓް ހިސްޓްރީއާއި، އިންކުއަރީން ބެލި ކަންކަން ވެސް ވަނީ ހިމަނައިފައެވެ.

ރައީސް ނަޝީދުގެ ސެކިއުރިޓީ ބްރީޗްވި ގޮތާ ގުޅޭ ގޮތުން ހެދި އިންކުއަރީއަށް ޑިފެންސް މިނިސްޓަރާއި، ހޯމް މިނިސްޓަރުގެ އިތުރުން، ސިފައިންގެ އިސްވެރިންނާއި ރައީސް ނަޝީދުގެ ސެކިއުރިޓީ ބަލަހައްޓާ އެސްޕީޖީގެ ސިފައިންނާއި ކައުންޓަރ ޓެރަރިޒަމް ސެންޓަރުގެ ޑިރެކްޓަރ ޖެނެރަލް ވެސް ހާޒިރުކޮށް ސުވާލުކުރިއެވެ.

އަދި ކޮމިޝަނަރ އޮފް ޕޮލިސް މުޙައްމަދު ޙަމީދާއި ފުލުހުންގެ މުއައްސަސާގެ އިސްވެރިން ވެސް ކޮމިޓީއަށް ޙާޒިރުކޮށްފައި ވެއެވެ. މީގެ އިތުރުން ޕްލޭނިން މިނިސްޓަރ މުޙައްމަދު އަސްލަމާއި މާލެސިޓީގެ ކުރީގެ މޭޔަރު ޝިފާ މުޙައްމަދު ވެސް ކޮމިޓީއަށް ޙާޟިރުކޮށްފައި ވެއެވެ.

ރިއެކްޝަން

Advertisement
Ooredoo — Truecaller (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.