Friday, 20 November 2026
Advertisement
HDC — Share-Below (leaderboard)
ޚަބަރު

ބިދޭސީންގެ ފީ އާއި ޖޫރިމަނާގެ ގޮތުގައި ދަޢުލަތަށް ނުލިބި 565 މިލިއަން ރުފިޔާ

ބިދޭސީންގެ ފީ އާއި ޖޫރިމަނާގެ ގޮތުގައި ދައުލަތަށް ނުލިބި އޮތް 1.7 ބިލިއަން ރުފިޔާގެ ތެރެއިން 67 އިންސައްތަ ކުޑަކުރެވިފައިވާ ކަމަށް ހޯމް މިނިސްޓްރީން ބުނެފިއެވެ.

ފޮޓޯ: މޯލްޑިވްސް އިމިގްރޭޝަން
ފޮޓޯ: މޯލްޑިވްސް އިމިގްރޭޝަން

ބިދޭސީ މަސައްކަތްތެރިންނާ ގުޅިގެން ދައުލަތަށް ލިބެންޖެހޭ ފީ އާއި ޖޫރިމަނާގެ ގޮތުގައި ނުލިބި އޮތް ފައިސާގެ ތެރެއިން މިހާތަނަށް 565 މިލިއަން ރުފިޔާ ނުލިބި އެބަހުރި ކަމަށް ދާޚިލީ ސަލާމަތާއި މަސައްކަތްތެރިކަމާއި ފަންނިއްޔާތާ ބެހޭ ވުޒާރާއިން ހާމަކޮށްފިއެވެ.

ސަރުކާރަށް އެއް އަހަރު ފުރުމާ ގުޅިގެން ހޯމް މިނިސްޓްރީން އާންމުކުރި މައުލޫމާތުތަކަށް ބަލާއިރު، މިދިޔަ އަހަރުގެ ނޮވެމްބަރު 17ގައި މި ސަރުކާރުން ހަވާލުވިއިރު، ބިދޭސީންގެ ފީ އާއި ޖޫރިމަނާގެ ގޮތުގައި ދައުލަތަށް ނުލިބި 1.7 ބިލިއަން ރުފިޔާ އޮތެވެ. ނަމަވެސް މިވީ މުއްދަތުގެ ތެރޭގައި އެ އަދަދު 67 އިންސައްތަ ކުޑަކުރެވިފައިވާ ކަމަށް އެ އިދާރާއިން ބުންޏެވެ.

މި ފައިސާ ހޯދުމަށް އެ ވުޒާރާއިން އަންނަނީ ޚާއްސަ މަސައްކަތްތަކެއް ކުރަމުންނެވެ. އެހެންނަމަވެސް، މިހާތަނަށް ދައުލަތަށް ބިދޭސީންގެ ފީ އާއި ކޯޓާގެ ގޮތުގައި ލިބުނު ޖުމްލަ ފައިސާގެ ތަފުސީލެއް އެ ވުޒާރާއިން ހާމައެއް ނުކުރެއެވެ.

ޤަވާއިދާ ޚިލާފަށް އުޅޭ ބިދޭސީންގެ މައްސަލަ ހައްލުކުރުމަށް ހިންގާ "އޮޕަރޭޝަން ކުރަނގި"ގެ ދަށުން މިހާތަނަށް ރާއްޖޭގައި ތިބި ބިދޭސީންގެ 99 އިންސައްތަ މީހުންގެ ބަޔޮމެޓްރިކް ޑޭޓާ އެއްކުރެވިފައިވާ ކަމަށް ރައީސް ޑރ. މުހައްމަދު މުއިއްޒު ވަނީ ވިދާޅުވެފައެވެ. މިއީ ދުނިޔޭގެ ނިސްބަތުން މަދު ގައުމަކަށް ނޫނީ ހާސިލް ނުކުރެވޭ ވަރުގެ ކާމިޔާބީއެއްކަން އެމަނިކުފާނު ފާހަގަކުރެއްވިއެވެ.

ދާޚިލީ ސަލާމަތާއި މަސައްކަތްތެރިކަމާއި ފަންނިއްޔާތާ ބެހޭ ވަޒީރު ޢަލީ އިހުސާން މީގެ ކުރިން ވިދާޅުވެފައި ވަނީ، އަންނަ އަހަރުގެ މެއި މަހުގެ ނިޔަލަށް "އޮޕަރޭޝަން ކުރަނގި" ނިންމައި، ޤަވާއިދާ ޚިލާފަށް އުޅޭ ބިދޭސީންގެ މައްސަލައަށް ދާއިމީ ހައްލެއް ހޯދުމަކީ ސަރުކާރުގެ އަމާޒެއް ކަމަށެވެ.

ރިއެކްޝަން

Advertisement
Allied — Dhen Online (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.