Friday, 20 November 2026
Advertisement
Allied Insurance (leaderboard)
ޚަބަރު

ޓެކްސްގެ މައްސަލަ އިސްތިއުނާފު ކުރުމުގެ ކުރިން 50 އިންސައްތަ ދައްކަންޖެހޭ ގޮތަށް ޤާނޫނު އިސްލާހުކޮށްފި

ޓެކްސްގެ މައްސަލަތައް އިސްތިއުނާފު ކުރުމުގެ ކުރިން، މީރާއަށް ފައިސާ ދައްކަންޖެހޭ ގޮތަށް ޓެކްސް ނެގުމާބެހޭ އިދާރީ ގާނޫނަށް ގެނައި އިސްލާހު ރައީސް ތަސްދީގު ކުރައްވައިފިއެވެ.

ފޮޓޯ: ރައީސުލްޖުމްހޫރިއްޔާގެ އޮފީސް
ފޮޓޯ: ރައީސުލްޖުމްހޫރިއްޔާގެ އޮފީސް

ޓެކްސް ނެގުމާބެހޭ އިދާރީ ޤާނޫނަށް ފަސްވަނަ އިސްލާހު ގެނައުމުގެ ބިލު ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒު މިއަދު ތަސްދީގު ކުރައްވައިފިއެވެ.

މި ބިލަކީ ނޮވެމްބަރު 17ވީ އަންގާރަ ދުވަހު ބޭއްވި ރައްޔިތުންގެ މަޖިލީހުގެ، 2026ވަނަ އަހަރުގެ ތިންވަނަ ދައުރުގެ 18ވަނަ ޖަލްސާއިން ފާސްކުރި ބިލެކެވެ.

މި އިސްލާހުގެ ދަށުން، މޯލްޑިވްސް އިންލަންޑް ރެވެނިއު އޮތޯރިޓީ (މީރާ)އިން ކަނޑައަޅާފައިވާ ޓެކުހުގެ އަދަދެއް ޓެކްސް އެޕީލް ޓްރައިބިއުނަލުގައި އިސްތިއުނާފު ކުރުމުގައި އަމަލުކުރާ އުސޫލަށް ވަނީ ބަދަލު ގެނެސްފައެވެ. އެގޮތުން، އެފަދަ މައްސަލަތައް އިސްތިއުނާފު ކުރެވޭނީ އިސްތިއުނާފު ކުރާ އަދަދުގެ މަދުވެގެން 50 އިންސައްތަ މީރާއަށް ދައްކައި ހަލާސް ކުރުމަށްފަހު ކަމަށް ވަނީ ކަނޑައަޅާފައެވެ.

މީގެ އިތުރުން، މި އަދަދު އެއްކޮށް ދައްކައި ހަލާސްކުރަންޖެހޭ ހާލަތްތަކާއި، އިސްތިއުނާފުކުރާ އަދަދާ ގުޅިގެން ދައްކަންޖެހޭ ޖޫރިމަނާ ނުވަތަ އިންޓްރެސްޓެއް އޮތްނަމަ އަމަލުކުރާނެ ގޮތްތައް ވެސް މި އިސްލާހުގައި ބަޔާންކޮށްފައިވެއެވެ.

ރައީސުލްޖުމްހޫރިއްޔާ މިއަދު މި ބިލު ތަސްދީގު ކުރައްވައި، ސަރުކާރުގެ ގެޒެޓުގައި ޝާއިއު ކުރެއްވުމާ އެކު، ޓެކްސް ނެގުމާ ބެހޭ އިދާރީ ޤާނޫނަށް ގެނެވުނު މި އިސްލާހަށް މިހާރު ވަނީ އަމަލުކުރަން ފަށާފައެވެ.

ރިއެކްޝަން

Advertisement
Allied Insurance — Square (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.