ރައީސް ޞާލިހްއާ އެކު ދެން ސިޔާސީ ގޮތުން ހުރެވޭކަށް ނެތް، އެމްޑީޕީން ހިތްހަމަ ނުޖެހުނަސް ކުރާނެ ކަމެއް ނެތް: ރައީސް ނަޝީދު
ރައީސުލްޖުމްހޫރިއްޔާ އިބްރާހިމް މުޙައްމަދު ޞާލިޙްއާ އެކު ދެން ސިޔާސީ ގޮތުން ހުރެވޭން ނެތް ކަމަށް ރައްޔިތުންގެ މަޖިލީހުގެ ރައީސް މުޙައްމަދު ނަޝީދު ވިދާޅުވެއްޖެއެވެ.
އެމްޑީޕީގެ ވަޓްސް އެޕް ގްރޫޕްއަކަށް ރައީސް ނަޝީދު މިއަދު ފޮނުއްވި މެސެޖެއްގައި ވިދާޅުވެފައި ވަނީ ރައީސް ޞާލިހްއާ އެއްވެސް މައްސަލައެއް ނުޖެހޭ ކަމަށާއި ނުވެސް ޖެހޭނެ ކަމަށެވެ. ނަމަވެސް އެމަނިކުފާނާއި ރައީސް ޞާލިޙް މިހާރު ފިކުރީ ގޮތުން ޚިޔާލު ތަފާތުކަމަށް ވެސް ރައީސް ނަޝީދު ވިދާޅުވިއެވެ.
"އަޅުގަނޑުމެންގެ ޒާތީ ކަންކަމުގައި އަބަދުވެސް އުޅޭނީ އެކީގައި، އަޅުގަނޑުގެ ދަރިންގެ އިބޫ ދޮންބެ އެއީ. އެކަމަކު ދެން ރައީސުލްޖުމްހޫރިއްޔާއާ އެކީ ސިޔާސީ ގޮތުން ހުރެވޭކަށް ނެތް" ރައީސް ނަޝީދު ވިދާޅުވިއެވެ.
ރައީސް ނަޝީދު އިތުރަށް ވިދާޅުވީ އެމްޑީޕީގެ ބައެއް ބޭފުޅުން ހިތްހަމަ ނުޖެހުނަސް ކުރާނެ ކަމެއް ނެތް ކަމަށާއި ކުރީގެ ރައީސް ޢަބްދުﷲ ޔާމީން ޢަބްދުލްޤައްޔޫމްއާއި ޕީޕީއެމްއިން މެދުމިނުގެ ދީނީ ސިޔާސަތަށް ތާއީދު ކުރާނަމަ އެމަނިކުފާނު އެބޭފުޅުންގެ އެހީއަށް އެދިލައްވާނެ ކަމަށެވެ.
ކުރީގެ ރައީސް ޔާމީނާއި ޕީޕީއެމްގެ އެހީއަށް އެދިލައްވާނެ ކަމަށް ވިދާޅުވި ނަމަވެސް، އެބޭފުޅުން އަރިހުން އެދިލައްވާނީ ކޮން އެހީއަކަށް ކަމެއް ރައީސް ނަޝީދު ވިދާޅުވެފައެއް ނުވެއެވެ.
މި މަހުގެ 5 ވަނަ ދުވަހު ބޭއްވި "އާސްކް ސްޕީކަރ" ޕްރޮގްރާމުގެ ތިންވަނަ ޝޯގައި ވެސް ރައީސް ނަޝީދު ވަނީ ރައީސް ޔާމީނާ ގުޅިގެން މަސައްކަތް ކުރައްވަން އުޅުއްވާނެ ކަމުގެ އިޝާރާތެއް ކުރައްވައިފައެވެ. އެގޮތުން މީހަކު ކުރި ސުވާލަކަށް ޖަވާބު ދެއްވަމުން ރައީސް ނަޝީދު ވިދާޅުވީ ވެރިކަމަށް އައުމުގެ ފުރުސަތު ރައީސް ޔާމީނަށް ވެސް އޮންނަންވާނެ ކަމަށް ޤަބޫލު ކުރައްވާ ކަމަށާއި ރައީސް ޔާމީން ވެސް ތާއީދުކުރައްވާނީ ބަރުލަމާނީ ނިޒާމަށް ކަމަށް ޤަބޫލު ކުރައްވާ ކަމަށެވެ.
އެ ވާހަކަފުޅަށް ރައްދު ދެއްވަމުން ޕީޕީއެމްގެ ނައިބު ރައީސް އަދި ނައިފަރު ދާއިރާގެ މެންބަރު އަހްމަދު ޝިޔާމް ވެސް ވަނީ ރައީސް ޔާމީން މިނިވަންކޮށްފި ނަމަ ނިޒާމު ބަދަލުކުރުމުގެ މަޝްވަރާއަށް ދާނެ ކަމަށް ވިދާޅުވެފައެވެ.
ކިހިނެތް މިވީ
ކިހިނެތް މިވީ ވަކިނުވުމައް ވައުދުވި ދެބޭފުޅުންވެސް ގައުމުގެ ކުރިމަގު އޮތީ ކިހިނެތްބާ…………
ޔާﷲމިބާއި މީހުން މިވަގުތީ ދުނިޔޭގެ ވެރިކަން އާޙިރަތަށް ވުރެމުހިއްމު ވެގެން މިއުޅެނީ މާދަން ތިމާމެނާއި ބައްދަލު ކުރާނެ ކަން ހަމަނެއެގެނީބާ! އާޙިރަތަށް އެދޭމީހަކު މިދުނިޔޭގެ ވެރިކަމާއި ހުރެ އަޙުވަންތަ ކަންކަނޑައެށްނުލާނެ.
ހަމްދާ ޝުކުރުހުރީ ގަދަ ކީރިތިވަންތަ މާތްﷲގެ ހަޟްރަތައް. އެމްޑީޕީގެ މެމްބަރުން ބޮޑިބަތުން ތިކަން ފާހަގަ ކުރަންވާނެއެވެ. ވަކި މީހެއްގެ ސިޔާސީ ކުރިމަގަށް އެމްޑިޕީގެ މެމްބަރުން ވަރަށް ގިނަ ގުރުބާނީ ވެއްޖެއެވެ. މިއަދު މިއޮތީ އެކަމުން މިންޖުވެ ގައުމުގެ ކަންކަމާގެން އުޅުމަށް މަގު ފަހިވެފައެވެ.
ނަމަނަމަ ޔާމީނު މިނިވަން ނުކުރާތި..ޤައުމު ދަވާލާނެ ދެން ދުވަހަކު ސަލާމަތް ނުވާވަރަށް.