ރައީސް ނަޝީދު ބޭނުން ވަނީ އިންޑިއާ އައުޓް ނުގޮވާ، ނަފްރަތުގެ ބިލަށް ތާއީދުކުރާ އާ ކޯލިޝަނެއް
އިންޑިއާ އައުޓް ނުގޮވާ، ނަފްރަތުގެ ބިލަށް ތާއީދުކުރާ އާ ކޯލިޝަނެއް ބޭނުންވާކަމަށް މަޖިލީހުގެ ރައީސް، ރައީސް މުޙައްމަދު ނަޝީދު ވިދާޅުވެއްޖެއެވެ.
ރައީސް ނަޝީދު މިއަދު ކުރެއްވި ޓްވީޓެއްގައި ވިދާޅުވީ އެމްޑީޕީއާއި ޕީޕީއެމްގެ ގިނަ މީހުން ތިބޭނީ އެ ގޮތަށް ކަމަށާއި ރާއްޖެ އަފްޣާނިސްތާނުގެ ހާލަތަށް ދާން ގިނަ ދިވެހިން ބޭނުން ނުވާނެ ކަމަށެވެ.
މީގެ އިތުރުން ނަޝީދު ވިދާޅުވީ އެމަނިކުފާނުގެ ހަމައެކަނި ވިސްނުމަކީ ރާއްޖެ ސަލާމަތްކުރުން ކަމަށާއި އެމްޑީޕީއާ އެކު މަސައްކަތް ކުރާނެ އިއްތިހާދެއް ބޭނުންވާ ކަމަށެވެ. އަދި އެ އިއްތިހާދު ވާންޖެހޭނީ "އިންޑިއާ އައުޓް" ނުގޮވާ، ނަފްރަތުގެ ބިލަށް ތާއީދުކުރާ، މިއުޒިކް ހަރާމް ނުކުރާ، ކީރިތި ރަސޫލާއަށާއި އިސްލާމް ދީނަށް ފުރައްސާރަ ނުކުރާ ކޯލިޝަނަކަށް ކަމަށެވެ.
ނަޝީދު މިފަދައިން ވިދާޅުވެފައި ވަނީ ހަމަލައިން ލިބުނު ގެއްލުންތަކަށް އިތުރު ފަރުވާ ހޯއްދެވުމަށް އިނގިރޭސި ވިލާތުގައި ހުންނަވައިގެންނެވެ. ނަޝީދު އިއްޔެ ވަނީ އެމްޑީޕީގެ ގައުމީ މަޖިލީހުގެ ވަޓްސްއަޕް ގްރޫޕުގައި އެމްޑީޕީގެ ތެރޭގައި ވެސް ހަރުކަށި ވިސްނުން އެބަ އުޅޭ ކަމަށާއި ކޯލިޝަނަށް ޓަކައި މީހުން ރުއްސާކަމަށް ވެސް ވިދާޅުވެފައެވެ.
އޭނަ ބޭނުންހާ ގޮތެއް ހަދަންތޯ އަހަރެމެން މި ޤައުމުގަ މި ތިބެނީ!
ހާދަހީވެޔޭ އެމްޑީޕީއަށް ދެން ދިވެހިރައްޔިތުންގެ ތާއީދުނުލިބޭނެކަންއެނގޭތީ ޕީޕީއެމް ކިލަނބުކޮށްލަންވެގެން ަުައުޅުއްވާހެން!!!
އައްޑޫ ގަންއެއާޕޯޓް މިހާރުއިންޑިއާ އެމްސީއާހަވާލުކުރީތޯ ގަންއެއާޕޯޓް ތަރައްގީގެ ޕްލޭން
އެކޯލިޝަނުގައި ތިބީ ކަލޯ އާއި ހިސާނު…..
ތާއީދު ގެއްލޭއިރަށް ކޯލިސަން ހަދާނެ، ބާރުލިބޭއިރަށް އެންމެން ބޭރު ކުރާނެ.