މިރޭ ދަންވަރު 12އިން ހެނދުނު 6 އާ ދޭތެރެ އިންޓަރނެޓް ކެނޑޭނެ: ދިރާގު
މިރޭ ދަންވަރު 12 އިން ހެނދުނު 6އާ ދޭތެރޭ އިންޓަނެޓު ކެނޑޭނެ ކަމަށް ދިރާގުން ބުނެފިއެވެ.
ރާއްޖޭގައި މުއާސަލާތީ ހިދުމަތް ދޭ އެންމެ ބޮޑު ކުންފުނި ކަމުގައިވާ ދިރާގުން ބުނި ގޮތުގައި މިރޭ ފިކްސްޑް ބްރޯޑްބޭންޑްގެ މަސައްކަތެއް ކުރުމަށް ޓަކައި އިންޓަނެޓުގެ ހިދުމަތް މެދުކަނޑައިލާނެއެވެ.
ފިކްސްޑް ބްރޯޑްބޭންޑް ނެޓްވޯކްގެ ސިސްޓަމް މެއިންޓެނަންސް މަސައްކަތެއް ޖުލައި 14 ވާ ބުދަ ދުވަހުގެ ރޭ (މިރޭ) ދަންވަރު 00:00 އިން ހެނދުނު 06:00 އަށް ކުރުމަށް ހަމަޖެހިފައިވާ ކަމަށާއި މިގަޑިތަކުގައި ކަސްޓަމަރުންނަށް ދިމާވެދާނެ ދަތިތަކަށް މައާފަށް އެދޭކަމަށް ދިރާގުން ކުރި ޓްވީޓެއްގައި ވަނީ ބުނެފައެވެ.
އެ ގަޑިތަކުގެ ތެރޭގައި ބައެއް ކަސްޓަމަރުންގެ ހިދުމަތް ފަސް މިނެޓުގެ ވަގުތުކޮޅަކަށް މެދުކެނޑުމަކީ އެކަށީގެންވާ ކަމެއްކަމަށް ދިރާގުން ބުނެއެވެ. އަދި މިފަދަ ވަގުތު ތަކުގައި ކަސްޓަމަރުން ދެއްވާ އެއްބާރުލުމަށް ދިރާގުން ޝުކުރު އަދާކުރާކަމަށް ވެސް އެކުންފުނިން ބުނެފައި ވެއެވެ.
