އިއްޒުއްދީން ސްކޫލްގެ ޕްރިންސިޕަލް ބަދަލުކުރީ މާކުރަތު ސްކޫލަށް
ޖިންސީ ފުރައްސާރައިގެ ތުހުމަތުކުރެވިފައިވާ އިއްޒުއްދީން ސްކޫލުގެ ކުރީގެ ޕްރިންސިޕަލް އިސްމާއިލް ނަސީރު ރ. މާކުރަތު ސްކޫލަށް ބަދަލުކޮށްފިކަން ހާމަވެއްޖެއެވެ.
އޮންލައިން ނޫސް "އަވަސް"އަށް މައުލޫމާތު ދެއްވަމުން އެޑިއުކޭޝަން މިނިސްޓްރީގެ ޕާމަނަންޓް ސެކެޓްރީ އަހުމަދު އަލީ ވިދާޅުވީ މާކުރަތު ސްކޫލަށް ނަސީރު ބަދަލުކުރީ އޭނާ އެކަމަށް އެދިވަޑައިގަތުމުން ކަމަށެވެ.
މިކަމާ ގުޅިގެން އެޑިއުކޭޝަން މިނިސްޓްރީން މިއަދު ވިދާޅުވީ ނަސީރު އެހެން ސްކޫލަކަށް ބަދަލުކޮށް ދިނުމަށް އެދިފައިވަނީ މި އަހަރުގެ ދިރާސީ އަހަރު ނިމެން އުޅެނިކޮށް ކަމަށާއި ޖިންސީ ފުރައްސާރައިގެ ތުހުމަތުތަކާ އެކަމާ ގުޅުމެއް ނެތް ކަމަށެވެ.
ޖިންސީ ފުރައްސާރަ ފަދަ ބޮޑު ތުހުމަތުތަކާ އެކުވެސް ނަސީރުއާ މެދު ފިޔަވަޅެއް ނާޅައި އެހެން ސްކޫލަކަށް ބަދަލުކުރުމުން ޓީޗާސް އެސޯސިއޭޝަންގެ ފާޑުކިޔުން ވަނީ މިނިސްޓްރީއަށް އަމާޒުވެފައެވެ. އަދި އެއީ ޕްރިންސިޕަލަށް ދިން ޕްރޮމޯޝަނެއްކަމަށް ވެސް އެ އެސޯސިއޭޝަނުން ސިފަކޮށްފައިވެއެވެ.
ނަމަވެސް އެ ތުހުމަތުތައް ދޮގު ކުރައްވަމުން އެޑިއުކޭޝަން މިނިސްޓްރީން ވިދާޅުވީ ނަސީރު އެހެން ސްކޫލަކަށް ބަދަލުކުރުމަކީ ޕްރޮމޯޝަނެއް ދިނުން ނޫން ކަމަށާއި ޕްރިންސިޕަލަށް ކުރެވޭ ތުހުމަތުތައް ބަލައި ރިޕޯޓެއް ވެސް މިހާރު އެކުލަވައިލައިފައިވާ ކަމަށެވެ. އަދި ފިޔަވަޅު އަޅަން ޖެހޭނަމަ ފިޔަވަޅު އަޅާނެ ކަމަށް ވެސް އެ މިނިސްޓްރީން ވިދާޅުވެފައިވެއެވެ.
މާކުރަތު ކުދިން ވިސްނައިގެން ތިބޭތި ނޫނީ ނޯށުން ށ
ރޯން ޖެހިދާނެ